नागपूर प्रतिनिधी, दि.०८ : कोरोनाच्या पार्श्वभूमीवर जिल्ह्यातील ग्रामीण आरोग्य सेवा अधिक सक्षम करण्यासाठी प्राथमिक आरोग्य केंद्रासाठी स्वतंत्र दहा नवीन रुग्णवाहिका उपलब्ध करून देण्यात येत असल्याची माहिती पशुसंवर्धन व दुग्धविकास मंत्री सुनील केदार यांनी आज दिली.
पशुसंवर्धन मंत्री श्री. केदार यांच्या हस्ते प्राथमिक आरोग्य केंद्रांना सुसज्ज दहा रुग्णवाहिकाचे लोकार्पण करण्यात आले त्यावेळी ते बोलत होते. यावेळी जिल्हा परिषद अध्यक्षा रश्मी बर्वे, कृषी व पशुसंवर्धन सभापती तापेश्वर वैद्य, वित्त व शिक्षण सभापती भारती पाटील, महिला व बाल कल्याण सभापती उज्ज्वला बोढारे, समाकल्याण सभापती नेमावली माटे, यांच्यासह अतिरिक्त मुख्य कार्यकारी अधिकारी डॉ. कमलकिशोर फुटाणे, जिल्हा आरोग्य अधिकारी डॉ. दिपक सेलोकर, आरोग्य विभागाच्या जिल्हा विस्तार माध्यम अधिकारी सुरेखा चौबे, जिल्हा परिषद सदस्य, पंचायत समिती सभापती तसेच जिल्हा परिषदेचे अधिकारी यावेळी उपस्थित होते.
कोरोनाच्या तिसऱ्या लाटेच्या पार्श्वभूमीवर ग्रामीण भागात आरोग्य सुविधा निर्माण करण्याला प्राधान्य देण्यात येत असल्याचे सागताना श्री. केदार जिल्ह्यातील प्राथमिक आरोग्य केंद्रांसाठी 56 रुग्णवाहिका कार्यरत आहेत. त्यात आणखी दहा रुग्णवाहिकेची भर पडली आहे.
