देगलूर प्रतिनिधी, ता. १२:- गांधी घराण्यातली त्यातल्या त्यात राहुल गांधीची पहिली पदयात्रा म्हणून या यात्रेला नागरिकाचा उत्स्फूर्त प्रतिसाद देगलूर मध्ये पाहण्यास मिळाला ते कसे दिसतात, कसे बोलतात, कसे चालतात, याबद्दल सर्वांनाच कुतूहल निर्माण झाले होते.
व त्याची महाराष्ट्रातील सुरुवात देगलूर मधून होत असल्यामुळे या यात्रेस राजकीय पक्षातील वरिष्ठ देखील सामील झाले होते. गावागावातून लोक देगलूर मध्ये आले होते पण यांच्यामध्ये काही संधी साधू देखील असतील याचा विचारही कोणी केलेला नव्हता.
भारत जोडो यात्रेच्या निमित्ताने काही परगावातील चोरट्यांनीही डाव साधला. व राहुल गांधीला पाहण्याच्या व ऐकण्याच्या इच्छेने आलेल्या नागरिकांच्या खिशावर हात साफ केला त्यात काही जणांचे मोबाईल, पाकिट त्याचबरोबर सोन्याची साखळ्याही चोरल्याचे पुढे आले आहे.भारत जोडो यात्रानिमित्ताने मोठ्या प्रमाणात नागरिकांची गर्दी झाली होती.
