नागरिकांना सोयी सुविधा पुरविण्यासाठी प्रयत्नशील – पालकमंत्री डॉ. सुरेश खाडे

सांगली दि. ०५ :- मिरज शहरातील विविध विकास कामांचे पालकमंत्री डॉ. सुरेश खाडे यांच्याहस्ते भूमिपूजन करण्यात आले. यावेळी पालकमंत्री डॉ. सुरेश खाडे यांनी नागरिकांच्या अडीअडचणी सोडविण्यासाठी व त्यांना सोयी सुविधा पुरविण्यासाठी प्रयत्नशील असल्याची ग्वाही दिली.

मिरज शहरातील विविध विकास कामांचे भूमिपूजन पालकमंत्री डॉ. सुरेश खाडे यांच्याहस्ते करण्यात आले. यावेळी नगरसेवक संजय मेंढे, नगरसेविका बबिता मेंढे, नगरसेवक करण जामदार, सार्वजनिक बांधकाम विभागाचे शाखा अभियंता ए. बी. शेख, मकरंद देशपांडे, राज कबाडे आदि मान्यवर उपस्थित होते.

मिरज शहरातील प्रभाग क्र.५ मधील बोलवाड रोड मुख्य रस्ता करण्यासाठी १०  लाख रूपये, बोलवाड रोड हनुमाननगरजवळ मुख्य रस्ता करण्यासाठी १० लाख रूपये, बोलवाड रोड येथील शिवगंगा पार्क येथील त्रिविक्रम मटाकडे जाणारा रस्ता करण्यासाठी २० लाख रूपये, किल्ला भागातील माने बोळ काँक्रीटीकरण करण्यासाठी ५ लाख रूपये, लोणार गल्ली अंतर्गत पेव्हिंग ब्लॉक बसविण्यासाठी ५  लाख रूपये, गाडवे पेट्रोलपंप ते बोलवाड रस्ता करण्यासाठी ५० लाख रूपये, प्रभाग क्रमांक ६ येथील शास्त्री चौक म्हैसाळ रोड लगत गटार करण्यासाठी १०  लाख रूपये, म्हैसाळ रोड येथील चौगुले मळा येथे पकाली घर ते रामोजी घरापर्यंत रस्ता काँक्रीटीकरण करण्यासाठी १० लाख रूपये असा एकूण १ कोटी २० लाख रूपये इतका निधी या विकास कामांसाठी उपलब्ध करून दिला आहे. ही सर्व कामे गुणवत्तापूर्ण व दर्जेदार करावीत, अशा सूचना त्यांनी संबंधितांना दिल्या.