अकोला,दि.२२- बाळापूर शहर हे ऐतिहासिक शहर आहे. या ऐतिहासिक शहराचा वारसा पुढील पिढीपर्यंत पोहोचविण्याचा उत्तम मार्ग वाचनालयाच्या माध्यमातून आहे. वाचनालय हे वाचन संस्कृती निर्माण करतात, वाचनाने सुजाण नागरिक घडतात, असे प्रतिपादन महसूलमंत्री बाळासाहेब थोरात यांनी केले.
बाळापूर येथील नगर परिषदेच्या ग्रंथालय इमारतीचे लोकार्पण आज ना. बाळासाहेब थोरात यांच्या हस्ते करण्यात आले, त्यावेळी ते बोलत होते. या कार्यक्रमास महिला व बालविकास मंत्री ना. ॲड. यशोमती ठाकूर, नगराध्यक्ष सैय्यद ऐनोद्दीन खतीब, विधान परिषद सदस्य आमदार किरणराव सरनाईक, विधानसभा सदस्य आमदार नितीन देशमुख, उपविभागीय अधिकारी रामेश्वर पुरी, जिल्हा अग्रणी बॅंकेचे व्यवस्थापक आलोक तेरानीया, उपनगराध्यक्ष राहुल तायडे, मुख्याधिकारी गोपीचंद पवार, जिल्हा परिषदचे सदस्य चंद्रशेखर चिंचोलकर, नगरसेवक अमजद हूसेन, अखली पंजाबी, किशोरसेठ गुजराती, माजी आमदार माणिकराव ठाकरे, डॉ. सुभाष कोरपे, सुधीर ढोणे, सैय्यद खतीब, नगरपरिषदचे सदस्य व नागरिक आदी उपस्थित होते.
