नागपूर प्रतिनिधि, दि. २२: स्टिफन हॉकींग, थॉमस एडीसन, अल्बर्ट आईनस्टाईन या जग प्रसिद्ध शास्ज्ञांनी अपंगात्वावर मात करून नवे शोध लावले. हा आदर्श समोर ठेवून दिव्यांगांनी जीवनात यशस्वी व्हावे, असे आवाहन नागपूर जिल्ह्याचे पालकमंत्री डॉ. नितीन राऊत यांनी केले.
जिल्हा दिव्यांग पुनर्वसन केंद्र, नागपूर व राष्ट्रीय दृष्टी दिव्यांगजन सशक्तीकरण संस्थान, देहरादूनच्या संयुक्त विद्यमाने आयोजित कार्यक्रमात दिव्यांगांना स्मार्ट फोन, डेजी प्लेयर, ब्रेल किटचे वाटप आज करण्यात आले. नागपूर जिल्ह्यातील जवळपास ३५० दिव्यांगांना या साहित्याचे वाटप पालकमंत्री डॉ. नितीन राऊत यांच्या हस्ते करण्यात आले.
