देगलूर प्रतिनिधी, दि.०७ :- (पंकज सोनकांबळे) देगलूर शहरात मागील काही दिवसापासून मोकाट कुत्र्यांनी थैमान घातले असून शहरातील अनेक प्रतिष्ठित नागरिकांना तसेच बालकांना चावा घेत त्यांना जखमी केले आहे.व करत आहेत.
याबाबत सविस्तर वृत्त असे आहे की, मागील काही दिवसापासून देगलूर शहरातील नागरी वस्तीत जसे की आनंद नगर, साधना नगर, भायगाव रोड, नगरेश्वर मंदिर, भवानी चौक, शिवनेरी नगर.
अश्या अनेक भागातील व्यक्तींना बालकांना मोकाट कुत्र्याने चावा घेत त्यांना जखमी केले असून, त्यामुळे शहरातील ज्येष्ठ नागरिक, शाळकरी मुले व स्त्रियांमध्ये घराबाहेर पडताना भीतीचे वातावरण दिसून येत आहे.
यावर शहरातील (शिंदे गट) शिवसेना शहर पदाधिकारी यांनी नगरपरिषद यांना निवेदन देऊन तात्काळ मोकाट कुत्र्याचा बंदोबस्त ने केल्यास अशी मोकाट कुत्रे नगरपालिकेच्या दालनात सोडण्यात येतील अशी चेतावणी दिली असल्याचे समजते.
यावर संबंधित विभागातील अधिकारी व कर्मचारी काय कार्यवाही करतात यावर सर्वांचे लक्ष लागून आहे.