देगलूर प्रतिनिधी, दि.०५ -: देगलूर तालुक्यातील येरगी येथे काल दिवाळी पाडवा व बलिप्रतिपदा निमित्त चालुक्य कालीन सरस्वती मंदिर,शिवमंदिर,हनुमान मंदिर व बारव व परिसरात गावातील सर्व महिलांनी व पुरुषांनी अगदी हर्ष उल्हासात सहभागी होत हजारों दिवे लावून दिवाळीनिमित्त दीपोत्सव साजर केला.
हजारो दिव्यांच्या लख्ख प्रकाशात संपूर्ण परिसर उजळून निघाले होते.
गावचे युवा सरपंच संतोष पाटील यांच्या संकल्पनेतून ग्राम पंचायत कडून दीपावली निमित्त सर्व गावकऱ्यांच्या आरोग्यासाठी,गावच्या विकासासाठी हा दीपोत्सव मागील वर्षापासून आयोजित करण्यात येत आहे.यावेळी सर्वांनी गावाच्या सुखसमृद्धी साठी देवाची प्रार्थना केली.
देगलूर तालुक्यातील चालुक्य कालीन येरगी गावच्या इतिहासात मागील वर्षापासून सामूहिक दीपावली साजरी करत आहेत.यात गावातील सर्व महिला- पुरुष,दिवाळीनिमित्त माहेरी आलेल्या नवविवाहित महिला उत्साहात सहभागी होतात.
