देगलूर प्रतिनिधी दि.०९ :- देगलूर बिलोली विधानसभा मतदार संघातील लोकसभा पोटनिवडणुकीतील व विधानसभेसाठी दिव्यांग व ऐंशी वर्षापेक्षा अधिक वय असलेले आणि मतदान केंद्रावर जाऊन मतदानाचा हक्क बजावू न शकणाऱ्या १५४ मतदारांच्या गृहभेटी देऊन मतदान करण्याची प्रक्रिया एका दिवसात पूर्ण करावी व या मतदानाबाबत सर्वच पथकांनी आचार संहितेच्या निर्देशानुसार गुप्तता पाळाव्यात असे मार्गदर्शन निवडणूक निर्णय अधिकारी श्रीमती क्रांती डोंबे यांनी सर्व पथक प्रमुखांना केले.
लोकसभा पोटनिवडणूक व विधानसभेसाठी २० नोव्हेंबर रोजी मतदान प्रक्रिया पार पडणार आहे. मतदानाची टक्केवारी वाढावी सर्व स्तरातील मतदारांना मतदानाचा हक्क बजावता यावा यासाठी निवडणूक विभागाकडून विविध उपक्रम राबवून मोठ्या प्रमाणात जनजागृती करण्यात येत आहे. प्रत्यक्ष मतदानापूर्वी मतदार संघातील दिव्यांग तसेच ज्या मतदारांना मतदान केंद्रावर जाऊन मतदान करता येत नाही अशा ८० वर्षापेक्षा अधिक वय असलेल्या मतदारांच्या घरी भेटी देऊन त्यांचे मतदान करून घेण्यात येणार आहे.
