देगलूर प्रतिनिधी दि १४ :- परभणी येथे भारतीय संविधानाचे शिल्पकार भारतरत्न डॉ बाबासाहेब आंबेडकर यांच्या पुतळा परिसरातील संविधानाच्या प्रतिकृतीची तोडफोड प्रकरणी जाहीर निषेध करून अवमान करणाऱ्या समाजकंटकांवर राष्ट्रद्रोहाचा गुन्हा नोंदवण्यात यावा अशी मागणी उपजिल्हाधिकारी देगलूर यांना
पीपल्स रिपब्लिकन पार्टीच्या वतीने निवेदनाद्वारे करण्यात आली.
देगलूर शहर दि.१३ रोजी सर्व पक्षीय कडकडीत बंद ठेवण्यात येऊन परभणी येथील संविधान प्रतिकृतीची तोडफोड प्रकरणी जाहीर
निषेध करीत अवमान करणाऱ्या समाजकंटकांवर राष्ट्रद्रोहाचा गुन्हा दाखल करण्यात यावा तसेच परभणी शहरातील शांतता कायम ठेवण्याच्या उद्देशाने पोलिस प्रशासन कोंबिंग ऑपरेशनच्या
नावाखाली आंबेडकरी चळवळीतील तरूणांना अमानुष मारहाण करून त्यांच्यावर दाखल करण्यात आलेले गुन्हे तात्काळ मागे घेण्यात यावेत अशा मागणीचे निवेदन पीपल्स रिपब्लिकन पार्टीच्या वतीने उपजिल्हाधिकारी देगलूर यांना देण्यात आले.
निवेदनावर तालुकाध्यक्ष सतिश पांडवे, माजी नगरसेवक वाय.जी.सोनकांबळे, धोंडीबाजी कांबळे, धम्मरत्न सोनाळकर, किरण कांबळे, यादव वाघमारे, राजू वाघमारे, ऋषिकेश भुताळे यांच्या स्वाक्षऱ्या आहेत.