देगलूर दि.०५ :- महाराष्ट्र राज्य उच्च व तंत्र शिक्षण विभाग आणि महाराष्ट्र माहिती तंत्रज्ञान सहायता केंद्र यांच्या संयुक्त विद्यमाने आयोजित करिअर कट्टा या उपक्रमाची राज्यस्तरीय महाविद्यालयीन स्पर्धा २०२४-२५ अंतर्गत दिले जाणारे विविध पुरस्कार नुक़तेच जाहीर झाले असून करिअर कट्टा उपक्रमाची देगलूर महाविद्यालयात उत्कृष्ट अंमलबजावणी केल्यामूळे उत्कृष्ट प्राचार्य पुरस्कार डॉ मोहन खताळ यांना जाहीर झाला आहे.
प्रस्तुत पुरस्कार वितरण सोहळा लवकरच आयोजित करण्यात येनार असल्याचे महाराष्ट्र राज्य करिअर कट्टा विभागाने कळविले आहे.
‘करिअर कट्टा’ हा महाराष्ट्र शासनाचा महाविद्यालयीन विद्यार्थ्याना स्पर्धा परीक्षेची पूर्व तयारी करवून विद्यार्थ्याला सक्षम बनविनारा अभिनव उपक्रम असून या अंतर्गत महाविद्यालयातील विद्यार्थ्यांच्या सर्वांगिण विकासासाठी आय ए एस आपल्या भेटीला व उद्योजक आपल्या भेटीला या दोन योजना राबविल्या जात असून सदरील योजना प्राचार्य डॉ मोहन खताळ यांच्या मार्गदर्शनाखाली महाविद्यालयात स्पर्धा परीक्षा पूर्व तयारीसाठी विविध उपक्रम अतिशय उत्तमपणे राबविल्या आहेत.
विशेष महत्वाची बाब म्हनजे महाराष्ट्र शासनाने पोलिस भरती पूर्व प्रशिक्षण केंद्रासही देगलूर महाविद्यालयास मान्यता दिली असुन डॉ. नीरज उपलंचवार व प्रा. हाके यांच्या मार्गदर्शनाख़ाली पोलिस भरतीसाठी तयारी करुण घेतली जात आहे.
