हैदराबाद प्रतिनिधी दि.२८-०८-२०२१ : श्री पांडुरंग स्वामी मंदिर समिती, व संत ज्ञानेश्वर महाराज भजन मंडळ इंदिरानगर श्री सत्यनारायण स्वामी मंदिराजवळ चिन्रा चेरवू रामंतापुर हैदराबाद. यांच्यातर्फे दर वर्षीप्रमाणे या वर्षीही अखंड हरिनाम सप्ताह व ग्रंथ श्रेष्ठ ज्ञानेश्वरी पारायण सोहळा आयोजित करण्यात येत आहे. या कार्यक्रमाची सुरुवात उद्या म्हणजेच रविवार पासून सुरू होणार आहे.
मंदिर समिती अध्यक्ष, श्री सुभाष पाटील व समिती यांच्याकडून सर्व मराठी बांधवांना, व हरि भक्तांना, व श्रोत्यांना. आवाहन करण्यात येते की, सप्ताह दिनांक २९ -८ -२०२१ रोजी सुरू होऊन त्याची सांगता दिनांक ५ -९ – २०२१ रोजी होणार आहे
सकाळी ४:०० ते ५:०० काकड आरती, सकाळी ७:००ते ११:३० पर्यंत ग्रंथराज ज्ञानेश्वरी सामूहिक पारायण, दुपारी १२:००ते १:०० श्री संत तुकाराम गाथा भजन,दुपारी १:०० ते २:०० प्रसाद, संध्याकाळी ४:०० ते ५:३० प्रवचन, संध्याकाळी ६:०० ते ७:०० हरिपाठ, रात्री ९:०० ते १२:०० हरिकीर्तन, आणि रात्री १२:०० ते सकाळी ४:०० वाजेपर्यंत हरिजागर असणार आहे.
नित्य हरिपाठ श्री सोनेराव कवडे, श्री बंकटराव रोडे, श्री वैजनाथ राव कदम, श्री कांतीलाल महाराज, श्री अशोक महाराज, श्री बाबुराव पांचल, श्रीकांतराव शिवणे, श्री व्यंकटराव गुरनाळे, श्री लक्ष्मण पांचाळ. हे असणार आहेत. या शिवाय गायक श्री बाबुराव पांचाळ, श्री शेकापुरकर महाराज, मृदंग वादक श्री रामभाऊ महाराज, शिवा स्वामी. पेटीवादक श्री भरत पांचाळ, श्री नारायण अष्टेकर. विणेकरी श्री सोनेराव कवडे, श्री अशोक महाराज बोरफळे, व व मंदिरातील पुजारी श्री मृत्युंजय पांडे, श्री कांतीलाल महाराज. आदींचा समावेश आहे.
