नव्या भारताचे शिल्पकार – नरेंद्र मोदी.

आजचा दिवस देशासाठी खास आहे. कारण आज आपल्या प्रिय व आदरणीय प्रधानमंत्री नरेंद्र मोदी यांचा वाढदिवस. भारताला एका नव्या युगात नेणारे, विकासाची नवीन क्षितिजे दाखविणारे व आत्मनिर्भरतेचा नवा मंत्र देणारे हे नेतृत्व म्हणजे मोदीजी.

मोदीजींनी पंतप्रधानपद स्वीकारल्यानंतर भारताच्या प्रगतीच्या वाटचालीला एक नवीन वेग लाभला. विकास हा सर्वांगीण असावा या त्यांच्या ठाम भूमिकेमुळे आज ग्रामीण भागापासून ते आधुनिक महानगरांपर्यंत सर्वच ठिकाणी बदल जाणवतो आहे. गती, प्रामाणिकपणा व दूरदृष्टी या त्यांच्या काम करण्याच्या पद्धतीने देशातील प्रत्येक नागरिकाला आत्मविश्वास दिला आहे.

मोदीजींच्या काळात भारताने राष्ट्रीय सुरक्षेच्या बाबतीत आपली भूमिका अधिक ठामपणे मांडली आहे. सीमारेषेवर सतत जागरूक राहून भारताने शत्रू देशांना कणखर उत्तर दिले आहे. त्याचबरोबर विदेश धोरणामध्ये भारताने जागतिक पातळीवर एक सबळ, स्वतंत्र आणि निर्णायक भूमिका घेतली आहे. ‘वसुधैव कुटुंबकम्’ या भारतीय संस्कृतीच्या विचारावर आधारित धोरण जगभरात भारताची प्रतिमा अधिकच उंचावते आहे.

कोरोनासारख्या कठीण काळात मोदीजींनी दिलेला आत्मनिर्भर भारताचा मंत्र आज देशाच्या अर्थव्यवस्थेचे बळ ठरत आहे. मेक इन इंडिया, डिजिटल इंडिया, स्टार्टअप इंडिया यांसारख्या उपक्रमांतून तरुणाईला नवनवीन संधी मिळत आहेत. ग्रामीण अर्थव्यवस्था, शेतकरी व लघुउद्योग यांच्यातही आत्मनिर्भरतेची चळवळ दिसून येते आहे.

उज्ज्वला योजना, स्वच्छ भारत अभियान, जलजीवन मिशन, आयुष्मान भारत अशा उपक्रमांमुळे गरीब व वंचित घटकांचे जीवनमान सुधारले आहे. समाजाच्या शेवटच्या घटकाला योजनांचा थेट लाभ मिळावा यासाठी मोदीजींनी सदैव प्रयत्नशील राहून सबका साथ, सबका विकास, सबका विश्वास, सबका प्रयास हा मंत्र प्रत्यक्षात आणला आहे.

आज नरेंद्र मोदी हे केवळ भारताचे नेते नाहीत तर जागतिक पातळीवर एक सक्षम, दूरदर्शी व प्रेरणादायी नेतृत्व म्हणून उदयास आले आहेत.

साप्ताहिक महिमा खादीचा च्या वतीने संपादक म्हणून मी त्यांना वाढदिवसाच्या हार्दिक शुभेच्छा देतो. त्यांच्या आरोग्याला, दीर्घायुष्यास व पुढील वाटचालीस शुभेच्छा देत, भारताला विश्वगुरू बनविण्याच्या त्यांच्या संकल्पना लवकरात लवकर पूर्ण होवोत अशी प्रार्थना करतो.