देगलूर शहराला बाह्यवळण रस्त्याची शक्यता – धनाजी जोशी यांच्या मागणीला गडकरी कार्यालयाकडून प्रतिसाद.

देगलूर शहराला बाह्यवळण रस्त्याची शक्यता – धनाजी जोशी यांच्या मागणीला गडकरी कार्यालयाकडून प्रतिसाद

देगलूर प्रतिनिधी,दि.२२:- नांदेड जिल्ह्यातील सर्वाधिक लोकसंख्या असलेल्या देगलूर शहरातील वाहतूक कोंडी टाळण्यासाठी बाह्यवळण रस्ता मंजूर करण्याची मागणी

राष्ट्रीय ओबीसी फाउंडेशन मराठवाडा अध्यक्ष धनाजी जोशी यांनी केंद्रीय रस्ते वाहतूक मंत्री नितीन गडकरी यांच्याकडे पत्राद्वारे केली होती.

या संदर्भात भारतीय राष्ट्रीय महामार्ग प्राधिकरणाने दिलेल्या पत्रात, सध्या नांदेड-नरसी-देगलूर विभाग बीओटी अंतर्गत सार्वजनिक बांधकाम विभागाकडे असल्याने तातडीने बाह्यवळण रस्ता मंजूर होऊ शकत नाही, असे नमूद केले आहे.

मात्र, नांदेड–देगलूर मार्गासाठी सविस्तर प्रकल्प अहवाल (डीपीआर) तयार करण्याचा प्रस्ताव विचाराधीन असून, भविष्यात निकषांनुसार देगलूरसाठी रिंग रोड (बाह्यवळण रस्ता) विकासाचा निर्णय घेतला जाईल, असे स्पष्ट करण्यात आले आहे.