देगलूर प्रतिनिधी दि.१६ :- हल्लीच्या काळात कुणी रस्त्यावर सापडलेला रुपया देखील परत करत नसताना शहर शिक्षक शिवाजी चव्हाण यांनी रस्त्यावर सापडलेला २५ हजारांचा मोबाईल परत केला आहे.
तालुक्यातील होट्टल येथील रहिवासी असलेले बबलू माधव वंकलवार हे आपलं ऑफिस चे काम संपवून सायंकाळच्या सुमारास रस्त्याने गाडीवर जात असताना खिशातून त्यांचा मोबाईल डॉ बाबासाहेब आंबेडकर चौक येथे रस्त्यावर पडला आणि त्यांची गाडी वेगाने पुढे गेली.
शहरातील शिवनेरी येथील रहिवाशी असलेले शांती वर्धक हायस्कुल कुन्मारपल्ली येथे शिक्षक म्हणून कार्यरत असलेले शिवाजी चव्हाण मानूरकर हे रस्त्याने येत असताना त्यांना रस्त्यावर एक मोबाईल पडलेला दिसला.शिवाजी चव्हाण यांनी मोबाईल खिशात ठेवला व थोडा वेळी कोणी येईल का याची वाट पाहिली पण त्या ठिकाणी कोणीही आले नाही.
थोडया वेळाने ते घरी आले तेव्हा तो मोबाईल बंद होता.त्यांनी हा सर्व प्रसंग त्यांचे मेहुणे तथा पत्रकार विशाल पवार यांना सांगितले असता त्यांनी लगेच फोन चार्जिंग लावून मोबाईल चालू केला असता वंकलवार यांच्या छोट्या भावाचा फोन आला विशाल पवार त्यांनी मोबाईल बाबत माहिती दिली.
सदरील मोबाईल हे बबलू वंकलवार यांच्या मालकीचा असल्याची खात्री पटल्यावर सावित्रीबाई फुले प्रा. शाळेचे मुख्याध्यापक किशन पाटील यांच्या हस्ते मोबाईल परत करण्यात आला. २५ हजारांचा मोबाईल परत मिळाल्याने वंकलवार यांनी शिक्षक शिवाजी चव्हाण यांचे आभार मानले. शिवाजी चव्हाण यांनी दाखविलेल्या प्रामाणिकपणाचे सर्वत्र कौतूक होत आहे.