“वडिलांच्या स्मृतिप्रीत्यर्थ सेवाधर्म – अंध विद्यार्थ्यांना उबदार हात”

देगलूर प्रतिनिधी, दि.२८:-देगलूर येथील दिव्यांग मित्र बालाजी कांबळे यांच्या हस्ते वडील यादवराव शिवाजीराव कांबळे यांच्या नवव्या पुण्यतिथीनिमित्त देगलूर येथे एक हृदयस्पर्शी व प्रेरणादायी उपक्रम राबविण्यात आला.

या स्मृतिदिनी अंध विद्यालय, देगलूर येथील तब्बल ४० विद्यार्थ्यांना टॉवेल आणि खाऊचे वाटप करून समाजसेवेची सुंदर परंपरा जपण्यात आली.

या कार्यक्रमात विद्यालयाचे मुख्याध्यापक एम. व्ही. शिंदे यांच्यासह एस. एम. शेळके, आर. जी. माथुरे, मोहम्मद जावेद, आर. ए. मुनेश्वर, पी. डी. सावंत, जी. एम. बिरादार, टी. के. शेख, डी. ए. कोरबनवाड, डी. जी. गुडमेवार, एस. बी. शिरोळे आदी मान्यवर उपस्थित होते.

‘व्हॉईस ऑफ मीडिया’चे तालुकाध्यक्ष प्रा. निवृत्ती भागवत, उपाध्यक्ष सतीश पांडवे, तसेच सौ. जमुना कांबळे यांच्या हस्ते विद्यार्थ्यांना साहित्य वाटप करण्यात आले.

या प्रसंगी शिवकांत कांबळे, श्रीकांत कांबळे, संतोष गायकवाड, विद्यालयातील मार्तंड भुताळे सर, इतर शिक्षक आणि सर्व विद्यार्थी उपस्थित होते.

सदर कार्यक्रमाचे नियोजन व आयोजन दिव्यांग मित्र बालाजी कांबळे यांनी विशेष पुढाकार घेऊन केले. समाजातील वंचित विद्यार्थ्यांबद्दलची त्यांची सेवा भावना सर्वांसाठी प्रेरणादायी ठरली.

अशा उपक्रमांमुळे पुण्यतिथी ही केवळ स्मरणाची नव्हे, तर सेवेची, संवेदनशीलतेची आणि समाजाशी असलेल्या नात्याची जाणीव करून देणारी पवित्र संधी ठरते.