देगलूर प्रतिनिधी, दि.०८:- देगलूर शहरात अनेक हॉटेल, चहाटपऱ्या व उपहारगृहांमध्ये सिगारेट ओढण्यासाठी स्वतंत्र बसण्याची सोय खुलेआम करण्यात आली असून, हे दृश्य पाहता कायद्याचे राज्य आहे की धुराचे? असा सवाल उपस्थित होत आहे.
भारत सरकारचा COTPA Act 2003 स्पष्टपणे सार्वजनिक ठिकाणी धूम्रपान व तंबाखू जाहिरातींवर बंदी घालत असतानाही देगलूरमध्ये मात्र कायद्याला हरताळ फासण्यात आले असल्याचे चित्र आहे.
विशेष म्हणजे काही हॉटेलांमध्ये सिगारेट ओढणाऱ्या अभिनेत्यांचे पोस्टर, शेरो-शायरीद्वारे धूम्रपानाचे उदात्तीकरण करण्यात येत असून, हे थेट नव्या युवा पिढीला व्यसनाच्या विळख्यात ढकलणारे कृत्य आहे.
