देगलूर प्रतिनिधी दि.२०:- अडत व्यापारी शिक्षण संस्था संचलित देगलूर महाविद्यालयाचे माजी विद्यार्थी तथा नांदेड प्रसिद्ध स्त्रीरोगतज्ञ डॉ. किशोर अतनुरकर यांनी महाविद्यालयातील मूलींची हीमोग्लोबिन तपासनी करून ज्या विद्यार्थिनीनीमध्ये हीमोग्लोबीनचे प्रमाण कमी आहे त्याना विशेष मार्गदर्शन केले.
विशेष महत्वाची बाब म्हणजे त्यांनी प्रयेक विद्यार्थीनीसाठी आरोग्य तपासणी कार्ड तयार करुण त्या कार्डमध्ये रक्तगट , हीमोग्लोबिन व इतर बाबीची नोंद करुण एकूण १२० आरोग्य कार्डचे वितरण केले आहे.
याप्रसंगी विद्यार्थिनीच्या शारीरिक, मानसिक व भावनिक बदलासह सर्वांगीण विकासाबाबत महत्वाची माहिती त्यांनी दिली. याप्रसंगी प्राचार्य डॉ. मोहन खताळ , उपप्राचार्य डॉ ए बी चिद्रावार, उपप्राचार्य डॉ. एम. एम. चमकुडे, डॉ. व्ही. जी. शेरीकर यांची उपस्थिती होती. कार्यक्रमाचे सूत्रसंचलन व आभार पर्यवेक्षक प्रा. एस. एन. पाटील यांनी केले.
आरोग्य तपासनी शिबीर यशस्वी करण्यासाठी करियर कट्टा, माजी विद्यार्थी संघ पदाधिकारी यांच्यासह प्रा.शोभा वध्देवार , प्रा. निकिता ऐनलवार प्रा. पूजा वाघमारे यांनी परिश्रम घेतले.