नांदेड प्रतिनिधी: धर्मभूषण ॲड. दिलीप ठाकूर यांच्या पुढाकारातून समाजामध्ये जागृती निर्माण व्हावी या उद्देशाने नांदेडमध्ये “केरला स्टोरी – पार्ट २” या चित्रपटाचे ३० मार्च रोजी पीव्हीआर सिनेमा, कौठा नांदेड येथे खास मुलींसाठी पूर्ण दिवसाचे ८ मोफत शो आयोजित करण्यात येणार आहेत. या उपक्रमाला स्थानिक स्तरावर मोठा प्रतिसाद मिळत असून अनेक दाते पुढे सरसावले आहेत.
यापूर्वीही दिलीप ठाकूर यांच्या पुढाकारातून “कश्मीर फाईल्स”, “केरला स्टोरी”, “छावा”, “शतक” यांसारख्या चित्रपटांचे मोफत प्रदर्शन करून समाजजागृतीचा संदेश देण्यात आला होता. त्याच धर्तीवर प्रसिद्ध उद्योजक आशिष काबरा यांच्या आग्रहास्तव हा उपक्रम राबविण्यात येत आहे. विशेषतः हिंदू मुलींमध्ये जागरूकता निर्माण व्हावी, या उद्देशाने हा निर्णय घेण्यात आला आहे.
