कासार शिरसी प्रतिनिधी :- कासार शिरसी शहरानजीक स्मशानभूमी जवळील ओढ्यावर पुलाचे बांधकाम सुरू असल्यामुळे या मार्गावरील वाहतूक पूर्णपणे विस्कळीत झाली आहे. परिणामी चारचाकी जड वाहने तसेच बससेवा पूर्णपणे बंद पडली आहे. पर्यायी रस्त्याची सोय नसल्यामुळे नागरिकांना मोठ्या अडचणींचा सामना करावा लागत आहे.
दरम्यान, कासार शिरसी–नारंगवाडी मार्गाचे चौपदरीकरण करण्यात येत असून रस्त्याच्या दोन्ही बाजूंना नाली व पुलांचे बांधकाम युद्धपातळीवर सुरू आहे. या कामाबद्दल नागरिक समाधान व्यक्त करत असले, तरी अपूर्ण पर्यायी पानंद रस्त्यामुळे नाराजीही वाढत आहे.
