देगलूर महाविद्यालयात शिक्षक पालक सहचिंतन सभा संपन्न.

देगलूर प्रतिनिधी: सध्याच्या शैक्षणिक सत्रात विद्याथ्यर्थ्यांना व्यक्तिमत्व व शैक्षणिक विकासाच्या दृष्टीने विद्यार्थ्यांना महाविद्यालयातील तासिका उपस्थितीबाबत पालकांनी सजगता बाळगली पाहिजे असे आवाहन देगलूर महाविद्यालयाचे प्राचार्य डॉ. मोहन खताळ यांनी केले.

ते येथील अ.व्या शिक्षण संस्था संचलित कनिष्ठ महाविद्यालयातील इयत्ता अकरावी कला ;वाणिज्य; विज्ञान शाखेतील विद्यार्थ्यांच्या पालक शिक्षक सहचिंतन सभेच्या अध्यक्षस्थानावरून बोलत होते. यावेळी

व्यासपीठावर उपप्राचार्य डॉ.एम.एम.चमकुडे उपप्राचार्य डॉ.व्ही.जी. शेरीकर ,पर्यवेक्षक प्रा.एस. एन.पाटील उपस्थित होते.

देगलूर महाविद्यालय हे जिल्ह्यातील [अ +]दर्जाचे मूल्यांकन प्राप्त कनिष्ठ महाविद्यालय आहे. सर्व शैक्षणिक उपक्रम एकाच छताखाली उपलब्ध आहेत. एकदा विद्यार्थी या महाविद्यालयात प्रवेश घेतला की तो अकरावी पासून ते पदवी पदव्युत्तर पर्यतचे शिक्षण हे याच महाविद्यालयात उपलब्ध आहे.आपल्या पाल्याला महाविद्यालयाच्या तासिका उपस्थिती बाबत पालकांनी सजगता बाळगणे आवश्यक आहे.

शिकवणी वर्गात मुलांचे शैक्षणिक तथा व्यक्तिमत्त्व विकास होण्यापासून विद्यार्थी वंचित राहतात. अनेक शैक्षणिक सोयी ;सुविधा; सराव परिक्षा, स्पर्धा परिक्षा देण्याची सोय महाविद्यालयातच मिळते. अकरावी वर्गापासूनच विद्यार्थ्यांना प्रात्यक्षिक तसेच स्पर्धा परीक्षा मार्गदर्शनाची सोय उपलब्ध करून देण्यात आली आहे. विद्यार्थी कोणत्याही शैक्षणिक सुविधेपासून वंचित राहिला जात नाही. याची काळजी सतत महाविद्यालय घेत असते अशी माहिती देत विद्यार्थ्यांनी वर्ग तासिकेला उपस्थित राहावे व आपले शैक्षणिक नुकसान टाळावे असे आवाहन प्राचार्य डॉ.मोहन खताळ यांनी केले.

प्रारंभी प्रास्ताविकात देगलूर महाविद्यालयातील कला; वाणिज्य; विज्ञान शाखेच्या शैक्षणिक सत्राची माहिती व सभे पाठीमागची भूमिका प्रा. एस. एन.पाटील यांनी मांडली उपप्राचार्य डॉ. व्हि.जी. शेरीकर यांनी आपल्या मनोगतातून विद्यार्थ्यांच्या पालकांना पाल्याच्या शैक्षणिक क्षेत्राच्या सुविधा आणि परिक्षेविषयी सविस्तर असे मार्गदर्शन केले.तर उपप्राचार्य डाॅ.एम. एम. चमकुडे यांनी महाविद्यालय परिसराची, शैक्षणिक विभागाची ओळख करून दिली.

कार्यक्रमाचे सूत्रसंचालन प्रा. एस.एस. वानोळे तर आभार प्रा. इ.के. पाटील यांनी मानले पालक प्रतिनिधी गोपछडे सह बहुसंख्य पालक; मातापालक, भगिनी शिक्षक ;शिक्षकेत्तर कर्मचारी, विद्यार्थी उपस्थित होते.