उमरी ता. प्रतिनिधी :- प्रवाशांच्या सुरक्षिततेसाठी तसेच रेल्वे नियमांचे काटेकोर पालन व्हावे यासाठी उमरी रेल्वे स्टेशन येथे जनजागृती अभियानाची सुरुवात करण्यात आली आहे. रेल्वे संरक्षण दल (आरपीएफ) धर्माबाद यांच्या वतीने हा उपक्रम राबविण्यात येत असून नागरिकांना विविध नियमांबाबत मार्गदर्शन करण्यात आले.
या अभियानांतर्गत प्रवाशांना महत्त्वाच्या सूचना देण्यात आल्या. विना तिकीट किंवा प्लॅटफॉर्म तिकीटाशिवाय स्टेशन परिसरात फिरणे हा रेल्वे कायद्यानुसार गुन्हा असल्याचे सांगण्यात आले. तसेच प्लॅटफॉर्म क्रमांक १ वरून प्लॅटफॉर्म क्रमांक २ वर जाण्यासाठी फुटओव्हर ब्रिजचा वापर करणे बंधनकारक असून ट्रॅक ओलांडल्यास रेल्वे ॲक्ट कलम 147 अंतर्गत कारवाई होणार असल्याची माहिती देण्यात आली.
