హైదరాబాద్లో సోమవారం పర్యటించిన కేంద్ర సామాజిక న్యాయం మరియు సాధికారత మంత్రిత్వ శాఖ యూనియన్ సెక్రటరీ సుధాంశ్ పంత్ తెలంగాణలో అమలు చేస్తున్న సంక్షేమ కార్యక్రమాలకు పూర్తి సహకారం అందిస్తామని తెలిపారు.
రాష్ట్రంలో ఎస్సీ అభివృద్ధి, బీసీ సంక్షేమం, వికలాంగులు, ట్రాన్స్జెండర్ల సంక్షేమ పథకాల అమలును సమీక్షించారు. ముందుగా సంక్షేమ మంత్రి అద్లూరి లక్ష్మణ్ కుమార్ ను కలిసి వివిధ పథకాలపై నివేదిక స్వీకరించారు.
ముఖ్యమంత్రి ఏ. రేవంత్ రెడ్డి నాయకత్వంలో రాష్ట్రం సంక్షేమానికి ప్రాధాన్యం ఇస్తోందని మంత్రి వివరించారు. దీనికి స్పందించిన సుధాంశ్ పంత్, కేంద్రం నుండి పూర్తి మద్దతు ఉంటుందని హామీ ఇచ్చారు.
మసాబ్ట్యాంక్లోని వృద్ధాశ్రమం, డీ-అడిక్షన్ కేంద్రాలను సందర్శించిన ఆయన, ట్రాన్స్జెండర్ సంక్షేమం, వికలాంగుల సౌకర్యాలు, వృద్ధుల రక్షణ చర్యలను ప్రశంసించారు. తెలంగాణ సంక్షేమ కార్యక్రమాలు దేశానికి ఆదర్శంగా నిలుస్తున్నాయని పేర్కొన్నారు.