देगलूर प्रतिनिधी : राष्ट्रीय परीक्षा संस्था (NTA), नवी दिल्ली यांच्या वतीने आयोजित करण्यात आलेली नीट (NEET) पुनर्परीक्षा देगलूर महाविद्यालयातील परीक्षा केंद्रावर शांततामय व शिस्तबद्ध वातावरणात यशस्वीरीत्या पार पडली. या केंद्रावर एकूण 672 विद्यार्थ्यांची नोंदणी होती. त्यापैकी 596 विद्यार्थी परीक्षेला उपस्थित राहिले. एनटीएच्या मार्गदर्शक सूचनांनुसार सर्व परीक्षा प्रक्रिया सुरळीतपणे पार पडली.
महाविद्यालयाचे प्राचार्य डॉ. मोहन खताळ यांच्या मार्गदर्शनाखाली केंद्रप्रमुख म्हणून डॉ. अनिल चिद्रावार, तर सहकेंद्रप्रमुख म्हणून डॉ. व्यंकट शेरीकर आणि प्रा. संग्राम पाटील यांनी जबाबदारी सांभाळली. एनटीए निरीक्षक म्हणून डॉ. दिपक वाघमारे व डॉ. रामेश्वर घोळवे यांनी काम पाहिले. परीक्षेच्या पार्श्वभूमीवर देगलूर पोलीस स्टेशनचे पोलीस निरीक्षक सूर्यमोहन बोलमवाड यांच्या मार्गदर्शनाखाली 4 अधिकारी व 42 पोलीस कर्मचाऱ्यांची नियुक्ती करण्यात आली होती. तसेच विद्यार्थ्यांच्या वाहनांसाठी सिद्धेश्वर मंगल कार्यालय आणि मानव्यविकास विद्यालय येथे पार्किंगची विशेष व्यवस्था करण्यात आली होती.
परीक्षेच्या यशस्वी आयोजनासाठी महाविद्यालयातील सर्व प्राध्यापक व कर्मचारी यांच्यासह प्रशांत चव्हाण, अशोक मामीडवार, पांडुरंग जाधव, विश्वंभर कंतेवार, मारोती सोनकांबळे, तिरुपती उरलागोंडावार, नागराज कोतुरवार आणि सय्यद गौस यांनी विशेष परिश्रम घेतले.