■ पिकासह सर्वच शेतकऱ्यांचे भविष्यही वाहुन गेले.
मुखेड प्रतिनिधी~ ज्ञानेश्वर कागणे हिब्बटकर दि.०८ : मुखेड तालुक्यात पावसाचा रौद्रावतार पाहायला मिळाला असुन शहराच्या नजिक असलेल्या मोतीनदिवरून कार वाहुन गेली यातील तिघापैकी एकास वाचविन्यात यश तर दोघे पिता पुत्र वाहुन गेल्याची घटना घडली मुखेड तालुक्यातील कमळेवाडी येथील रहिवासी भगवान राठोड वय ६५ व त्यांचा मुलगा संदिप राठोड वय २८ हे त्यांच्यासोबत आणी त्याचा नोकर उध्दव देवकते याला घेउन इंडीगो कार एम. एच. २० डी.जे. ६९२५ या कार ने कमळेवाडी येथून पांडूर्णी मार्गे मुखेडकडे येत होते .सकाळी १०:४५ च्या सुमारास सदर कार मुखेडनजीक असलेल्या मोती नदिजवळ आली असता चालक संदिप राठोड यास पाण्याच्या प्रवाहाचा अंदाज आला नसल्याने कार पाण्याच्या प्रवाहात वाहुन गेली. यात कारमधील उध्दव देवकते ने बाबळीच्या झाडाचा आसरा घेतल्याने तब्बल चार तास तो अडकून राहिला शेवटी सभापती लक्ष्मण पाटील खैरकेकर यांनी व गावातील नागरिकांनी प्रयत्न करुन त्यास वाचविले तर दोघाचे शोधकार्य सुरू आहे .दुसरीकडे तालुक्यातील मेथी येथील यादवराव जळबा हिवराळे
वय ५५ शेताला जात असते वेळी वाहुन गेले असुन त्याचा मृतदेह सापडलेला आहे.
