देगलूर प्रतिनिधी, :- शासन निर्णय व वरिष्ठांच्या आदेशान्वये, देगलूर तालुक्यातील सर्व माध्यम व सर्व व्यवस्थापनांच्या शाळा व कनिष्ठ महाविद्यालयात दि.१७सप्टेंबर ते दि.१७ ऑक्टोंबर २०२६ या कालावधीत राज्यात सेवा संकल्प अभियान राबविण्यात येत आहे.
सदर अभियानाचा प्रारंभ येथील देगलूर महाविद्यालयात करण्यात आला.
कार्यक्रमाच्या अध्यक्षस्थानी महाविद्यालयाचे प्र.प्राचार्य प्रा.डाॅ.संजय पाटील होते व्यासपीठावर शिक्षण विस्तार अधिकारी हमीद दौलताबादी उपप्राचार्य एम एम चमकुडे गटसाधनकेंद्रातील कर्मचारी उपस्थित होते.
प्रारंभी सावित्रीबाई फुले यांच्या प्रतिमेस पुष्पहार अर्पण करून अभियानास प्रारंभ करण्यात आला.
सदर अभियानाच्या माध्यमातून सेवाभाव, सामाजिक बांधिलकी, पर्यावरण संवर्धन, जबाबदार नागरिकत्व, राष्ट्रनिर्मितीची जाणिव तसेच विकसित भारत २०४७ या संकल्पनेविषयी जागृती निर्माण करण्याच्या दृष्टीने शाळा स्तरावर विविध उपक्रम राबविण्याचे निर्देश देण्यात आले
प्रास्ताविक शिक्षण विस्तार अधिकारी हमीद दौलताबादी तर हणमंत जाधव उपप्राचार्य डाॅ.एम एम चमकुडे यांनी उपस्थितांना मार्गदर्शन करून शुभेच्छा दिल्या. तसेच त्या अनुषंगाने शासन निर्णय, परिपत्रक प्रपत्रानुसार कनिष्ठ महाविद्यालय व शाळास्तरावर सर्व उपक्रम राबवून केंद्रसमन्वयकामार्फत अहवाल, व्हिडीओ, फोटो इ. कार्यालयास वेळोवेळी सादर करण्याचे निर्देश देण्यात आले.यावेळी केद्रसमन्वयक सुधाकर बोडके अंनत पाढरे डी पी नाईक विषय तज्ञ साबणे आतार मगदूम बिरादार सर शहरव परिसरातील शाळा
उ.मा.विद्यालयातील मुख्याध्यापक उपस्थित होते.सूत्रसंचालन अनिल वाघमारे आभार सुधीर धडेले यांनी मानले.