मुंबई, दि.१७ : अन्न व औषध प्रशासन विभागामार्फत राबविण्यात येत असलेल्या योजनांची माहिती सर्वसामान्य जनतेपर्यंत पोहोचावी यासाठी जनजागृतीचे उपक्रम राबवून ‘अन्न सुरक्षा सप्ताह’ राबविण्याचे विभागाने नियोजन करावे, असे निर्देश अन्न व औषध प्रशासन मंत्री डॉ.राजेंद्र शिंगणे यांनी दिले.
मंत्रालयातील दालनात अन्न व औषध प्रशासन विभागातर्फे राबविण्यात येणाऱ्या उपक्रमांच्या जनजागृतीबाबतच्या नियोजनासंदर्भात अन्न व औषध प्रशासन मंत्री डॉ.राजेंद्र शिंगणे यांच्या अध्यक्षतेखाली बैठकीचे आयोजन करण्यात आले. यावेळी वैद्यकीय शिक्षण विभागाचे सचिव सौरभ विजय, अन्न व औषध प्रशासनचे आयुक्त परिमल सिंह, माहिती व जनसंपर्क महासंचालनालयाचे संचालक (माहिती) (प्रशासन) गणेश रामदासी यांसह वरिष्ठ अधिकारी उपस्थित होते.
