मालेगाव, दि. 10 : सेवाभावी उपक्रमातून शिवभोजन केंद्राने राज्यातील गरीब जनतेला दिलासा देण्याचे चांगले काम उभे राहिले आहे. राज्याचे मुख्यमंत्री उद्धव ठाकरे यांच्या संकल्पनेतून साकारलेल्या शिवभोजन योजनेच्या माध्यमातून गोरगरीब जनतेला दिलासा मिळत आहे असे प्रतिपादन राज्याचे कृषिमंत्री दादाजी भुसे यांनी केले आहे. या पुण्याच्या कार्याबद्दल मुख्यमंत्री उद्धव ठाकरे तसेच जिल्ह्याचे पालकमंत्री तथा अन्न व नागरी पुरवठामंत्री छगन भुजबळ यांना शुभेच्छा देत कृषिमंत्री दादाजी भुसे यांनी त्यांचे आभार मानले.
रावळगाव नाका, कॅम्प परिसरातील सोमवार बाजारातील शिवभोजन केंद्राचे उद्घाटन कृषिमंत्री दादाजी भुसे यांच्या हस्ते संपन्न झाले. त्यावेळी ते बोलत होते. यावेळी उपमहापौर निलेश आहेर, राजाराम जाधव, नगरसेवक भिमा भडांगे, राजेश गंगावने, संजय दुसाणे, रामा मिस्तरी, किरण छाजेड, पिंटू कर्नावट, दिपक मेहता, हरी निकम, विशाल पाटील, प्रमोद पाटील, चैत्राम पवार, दिपक भोसले आदि उपस्थित होते.
