नांदेड प्रतिनिधी,दि.२३ :- नाळेश्वर परिसरातील १८ गावातील प्रवाशांच्या सुविधेसाठी गेल्या वीस वर्षापासून धर्मभूषण ॲड. दिलीप ठाकूर यांच्यातर्फे चालविण्यात येणाऱ्या लोकनेते कै. गोपीनाथराव मुंडे पाणपोईचे उद्घाटन भाजपा मराठवाडा संघटन मंत्री संजय कोडगे यांच्या हस्ते व जिल्हाध्यक्ष प्रवीण साले यांच्या अध्यक्षतेखाली मिलरोड नांदेड परिसरात संपन्न झाल्यानंतर नागरिकांना फळे वाटप करण्यात आले.
शिवशक्तीनगर नांदेड परिसरात ग्रामीण भागातील अनेक नागरिक मोठ्या संख्येने ये जा करीत असतात. मिल रोड हा रस्ता कायम वर्दळीचा असतो. उन्हाळ्यात नागरिकांना थंड पाणी मिळावे या उद्देशाने भाजपा जिल्हा सरचिटणीस दिलीप ठाकूर हे गेल्या वीस वर्षापासून दरवर्षी पानपोई सुरू करून सुविधा देतात. संजय कोडगे यांच्या वाढदिवसाचे औचित्य साधून यावर्षी पाणपोईचे उद्घाटन एका समारंभात करण्यात आले. याप्रसंगी व्यासपीठावर भाजपा प्रदेश कार्यकारणी सदस्य बाळू खोमणे, जिल्हा संघटन सरचिटणीस विजय गंभीरे, प्रतिष्ठित व्यापारी सतीश शर्मा, जिल्हा उपाध्यक्ष अनिलसिंह हजारी, जिल्हा चिटणीस मनोज जाधव, सोशल मीडिया जिल्हा संयोजक राज यादव, रेल्वे पार्सल कामगार युनियनचे अध्यक्ष गोपाळराव पाटील यांची प्रमुख उपस्थिती होती. सुरुवातीला कोडगे व साले यांच्या हस्ते पानपोई चे पूजन करण्यात आले. केक कापून संजय कोडगे यांचा वाढदिवस साजरा करण्यात आला. अरुणकुमार काबरा, रोहित पाटील, बिरबल यादव, महेश बनसोडे, किशनराव पालवेकर, रामराव भोसले, राजेश यादव, सविता काबरा, किशन राठोड यांच्या हस्ते सर्व मान्यवरांचा शिरोपाव व मोत्याची माळ देऊन सत्कार करण्यात आला. संयोजक दिलीप ठाकूर यांनी प्रास्ताविक करताना पानपोई सुरू करण्यामागची भूमिका स्पष्ट केली.
