२४ जुलै २०२१ नवी दिल्ली,
सर्व जग एक कुटुंब आहे अर्थात वसुधैव कुटुंबकम् या भारतीय विचाराला बुद्धांच्या शिकवणुकीमुळे बळकटी मिळाली. बौद्ध तत्वज्ञानाने केवळ बौद्धानांच नाही तर सगळ्यानांच खूप काही दिलं आहे, असे केंद्रीय संस्कृती मंत्री जी. किशन रेड्डी यांनी म्हटले आहे.
आषाढ पौर्णिमा – धम्मचक्र प्रवर्तन दिनाच्या पूर्वसंध्येला आपल्या चित्रफीत संदेशात त्यांनी सांगितले की आजचा दिवस गुरु पौर्णिमा म्हणूनही साजरा केला जातो.
“आपण आजच्या दिवशी गुरुप्रंतीचा आदर आणि कृतज्ञता व्यक्त करतो. आषाढ पौर्णिमा केवळ जगभरातील बौद्धांसाठीच पवित्र दिवस नाही तर तो मानवतेच्या दृृृष्टीनेही महत्वाचा दिवस आहे.”, असे ते म्हणाले.
अडीच हजार वर्षांपेक्षाही अधिक काळापूर्वी आजच्याच दिवशी सारनाथ इथे बुद्धांनी शिक्षक म्हणून आपल्या पाच सहाध्यायींना, पहिले प्रवचन दिले होते. हे पाचही जण नंतर तथागतांचे अनुयायी झाले.
एकदा ज्ञानप्राप्ती झाल्यावर मानवतेलाही या ज्ञानाचा लाभ होईल असे बुद्धांनी आश्वस्त केले. बौद्ध आणि हिंदू तत्वज्ञानाचे निकटचे नाते असल्याचेही त्यांनी नमूद केले.
