पुणे, दि.२० :- राज्यात सामाजिक न्याय विभागामार्फत चालविण्यात येणार्या डॉ. बाबासाहेब आंबेडकर अनुसूचित जाती मुलां व मुलींच्या शासकीय निवासी शाळेमधील मागासवर्गीय विद्यार्थ्यांनी दहावी मध्ये घवघवीत यश प्राप्त केले आहे. राज्यात कार्यरत असलेल्या एकूण ९० चे निवासी पैकी ७७ निवासी शाळांचा निकाल हा १००% लागला आहे. विद्यार्थ्यांच्या लक्षणीय कामगिरीबद्दल समाजातील सर्वच घटक आतून विभागाचे कौतुक करण्यात येत आहे.
सामाजिक न्यायमंत्री धनंजय मुंडे यांनी देखील निवासी शाळेतून उत्तीर्ण झालेल्या सर्व विद्यार्थ्यांचे अभिनंदन केले आहे व पुढील वाटचालीस शुभेच्छा दिल्या आहेत.
त्याचबरोबर या सर्व शाळांमधून ९० टक्क्यांपेक्षा अधिक मार्क (गुण) मिळवणारे ११९ विद्यार्थी आहेत हे विशेष.
