वाशिम प्रतिनिधी, दि. ०७: राज्यात मागील वर्षापासून ई-पीक पाहणी प्रकल्प राबविण्यात येत आहे. या ई-पीक पाहणीमध्ये पीक पेरणीची माहिती स्वत: शेतकऱ्याला मोबाईल ॲपव्दारे गाव नमुना सातबारामध्ये नोंदविण्यासाठी उपलब्ध करुन देण्याच्या कार्यक्रमाची जिल्हयात अंमलबजावणी करण्यात येत आहे. जिल्हयात एकूण ८०९ गावे असून ई-पीक पाहणीची विशेष मोहिम १३ सप्टेंबर रोजी जिल्हयात राबविण्यात येणार आहे. १ लक्ष ३० हजार ९२२ शेतकऱ्यांची ई-पीक पाहणी नोंदविण्याचे उदिष्ट आहे.
मागील वर्षी ई-पीक पाहणीसाठी मोबाईल ॲप्लीकेशन प्रथमच शेतकऱ्यांना उपलब्ध करुन देण्यात आले. उशिरा जनजागृती होऊनही जिल्हयातील 50 टक्के शेतकऱ्यांनी त्यांच्या शेतातील पिकाची नोंद गाव नमुना सातबारावर ई-पीक पाहणी मोबाईल ॲपव्दारे नोंदविली आहे.
