पत्रकारिता आणि पत्रकारांसाठीची चळवळ उभारू – संगमेश्वर लांडगे
नांदेड दि.०८ :- ‘व्हॉईस ऑफ मीडिया’च्या साप्ताहिक विंगच्या नांदेड जिल्हाध्यक्षपदी पत्रकार संगमेश्वर लांडगे यांची निवड साप्ताहिक विंगचे महाराष्ट्र राज्याचे प्रदेशाध्यक्ष विनोद बोरे यांनी नियुक्तीपत्राद्वारे निवड केली आहे.
संगमेश्वर लांडगे हे गेल्या अनेक वर्षांपासून पत्रकारितेत कार्यरत असून, पत्रकारितेसोबतच सामाजिक कार्यात देखील ते अग्रसर आहेत. तर या निवडीबद्दल लांडगे यांचे सर्व स्तरांतून स्वागत व अभिनंदन केले जात आहे. ‘व्हॉईस ऑफ मीडिया’ ही संघटना पंचसूत्री घेऊन, पत्रकारांच्या हितासाठी काम करणारी संघटना आहे. ‘व्हॉईस ऑफ मीडिया’ च्या माध्यमातून जिल्हाभर पत्रकारिता आणि पत्रकारांसाठीची चळवळ उभारू असे मत लांडगे यांनी यावेळी व्यक्त केले.
व्हाईस ऑफ मीडिया ही ५० ज्येष्ठ संपादकांनी एकत्र येऊन पत्रकारिता आणि पत्रकारांच्या कल्याणासाठी निर्माण केलेली संघटना असून भारतातील २१ राज्यांमध्ये ही संघटना कार्यरत आहे. कोरोनाकाळात १३६ पत्रकारांचा दुर्दैवी मृत्यू झाला. ‘व्हाईस ऑफ मीडिया’ने या १३६ पत्रकारांच्या १५० पाल्यांना शिक्षणासाठी आर्थिक मदत करून त्यांना मोठा आधार देण्याचे काम केले.
पत्रकारांची हीत जपणारी संघटना म्हणून व्हॉईस ऑफ मिडीयाकडे पाहिले जाते. राजकारणामध्ये न अडकता पत्रकारिता आणि पत्रकारांना सक्षम करण्याचे काम संघटनेच्या माध्यमातून घडत आहे. पत्रकारांना त्यांची स्वतःची घरे उपलब्ध करून देणे, पत्रकारांच्या पाल्यांच्या शिक्षणासाठी आर्थिक मदत करणे, आजारपण, अपघात किंवा इतर संकटकाळी पत्रकारांना आधार देण्याचे कार्य ही संघटना करीत आहे अशी माहिती संगमेश्वर लांडगे यांनी बोलताना सांगितली पुढे म्हणाले या संघटनेच्या नांदेड जिल्ह्यातील १६ तालुक्यातील तालुका स्तरावरील निवडी लवकरच पार पडणार असल्याचे नांदेड जिल्ह्याचे नवनियुक्त अध्यक्ष संगमेश्वर लांडगे यांनी सांगितले.
पत्रकारांच्या आणि पत्रकारितेच्या हितासाठी लढणाऱ्या ‘व्हॉईस ऑफ मीडिया’ संघटनेत नांदेड जिल्हाध्यक्ष पदाची जबाबदारी लांडगे यांच्याकडे देण्यात आली आहे. ‘व्हॉईस ऑफ मीडिया’ या संघटनेचे संस्थापक तथा राष्ट्रीय अध्यक्ष संदीप काळे, प्रदेशाध्यक्ष अनिल म्हस्के, साप्ताहिक विंगचे प्रदेशाध्यक्ष विनोद बोरे, व्हॉईस ऑफ मीडियाचे राष्ट्रीय सरचिटणीस चंद्रमोहन पुप्पाला आणि संघटनेचे मराठवाडा विभागीय अध्यक्ष विजय चोरडिया यांच्या स्वाक्षरीचे पत्र देऊन संगमेश्वर लांडगे यांचे संघटनेत स्वागत करण्यात आले आहे. संघटनेत काम करू इच्छिणाऱ्या पत्रकारांनी आमच्याशी संपर्क करावा असे आवाहन लांडगे यांनी केले आहे.
