हैदराबाद प्रतिनिधी,दि.३१:-झारखंड एकता समाज हैदराबाद यांच्यातर्फे दिनांक २९ रोजी ८ स्थापना दिवस साजरा करण्यात आला या समारोहामध्ये साप्ताहिक ‘महिमा खादीचा’चे संपादक श्री गजानन बिडकर यांना विशेष आमंत्रण देण्यात आले होते.
हे आमंत्रण झारखंड एकता मंचच्या सेंट्रल टीम तर्फे देण्यात आले होते. कार्यक्रमाची सुरुवात दीप प्रज्वलन करून करण्यात आली. त्यानंतर सामूहिक राष्ट्रगीत घेण्यात आले. मग प्रमुख मान्यवराचे सत्कार समारोह सुरू झाले दरम्यान
एल बी नगरच्या टीम अध्यक्ष कडून साप्ताहिक महिमा खादीचा चे मुख्य संपादक श्री गजानन बिडकर यांना शाल व स्मृतीचिन्ह देऊन यथोचित सत्कार करण्यात आला.
यावेळी संस्थापक अध्यक्ष श्री विनोदजी यादव, मनोजजी यादव, संतोषजी यादव, उमेशजी यादव, किशोरजी यादव, राजू यादव, पप्पूजी यादव, दिनेशजी यादव, राजेंद्रजी यादव, सुनीलजी यादव, जयंतजी शर्मा, ब्रह्मदेवजी यादव यांच्यासह झारखंड एकता समाजातील सर्व सभासद उपस्थित होते.
या कार्यक्रमाला मुख्य अतिथी म्हणून झारखंड येथील राजधनवार विधानसभा क्षेत्राचे माजी आमदार राजकुमारजी यादव तसेच बगोधर विधानसभा सभा क्षेत्राचे माजी आमदार
श्री विनोदजी सिंह,याशिवाय रामेश्वर चौधरी, कमलेश रघुकुला तर हैदराबाद मधील (BMC वाईस प्रेसिडेंट), रंगाराव, हॉटेल परंपराचे ग्रुप ऑफ सीईओ तसेच झारखंड युवा एकता संघटन दिल्लीतील सर्व पदाधिकारी यांची विशेष उपस्थिती होती.
