ग्रामीण रुग्णालय कासार शिरशी येथे डॉ. ए.पी.जे. अब्दुल कलाम यांची जयंती उत्साहात साजरी.
कासार शिरशी/प्रतिनिधी
देशाचे माजी राष्ट्रपती, भारतरत्न आणि मिसाईल मॅन म्हणून ओळखले जाणारे डॉ. ए.पी.जे. अब्दुल कलाम यांची जयंती ग्रामीण रुग्णालय कासार शिरशी येथे उत्साहपूर्ण वातावरणात साजरी करण्यात आली.
यानिमित्त आयोजित कार्यक्रमात डॉ. मोरे यांच्या हस्ते डॉ. कलाम यांच्या प्रतिमेस पुष्पहार अर्पण करून अभिवादन करण्यात आले. त्यानंतर उपस्थित मान्यवरांनीही एकामागून एक पुष्प अर्पण करून महान विज्ञानवेत्त्यांना आदरांजली वाहिली.
या प्रसंगी मार्गदर्शन करताना डॉ. मोरे यांनी डॉ. कलाम यांचे विचार, त्यांचे साधे व प्रेरणादायी व्यक्तिमत्त्व तसेच देशासाठी दिलेल्या योगदानाचे स्मरण करून उपस्थितांना “स्वप्न बघा आणि ते पूर्ण करण्यासाठी अखंड मेहनत करा” हा संदेश दिला.
कार्यक्रमाला डॉ. सावंत सर, श्री. शेळके सर, श्री. मसने, श्री. हराळे, श्री खुडे साहेब सौ. घोसे, सौ. ढगे, श्री. इंगळे यांची उपस्थिती लाभली. तसेच साप्ताहिक महिमा खादीचा चे संपादक गजानन बिडकर उपस्थित होते.
कार्यक्रमाचे नियोजन रुग्णालय कर्मचारी वर्गाने केले. उपस्थित मान्यवरांनी डॉ. कलाम यांच्या कार्याचा गौरव करत त्यांच्या विचारांचे अनुकरण करण्याचे आवाहन केले.