संभाजी ब्रिगेड देगलूर तालुका उपाध्यक्षपदी भगवान काळे पाटील यांची निवड.
देगलूर प्रतिनिधी :- संभाजी ब्रिगेडच्या संघटनात्मक बळकटीसाठी देगलूर तालुक्यातील लोणी येथील सामाजिक कार्यकर्ते भगवान काळे पाटील यांची संभाजी ब्रिगेडच्या देगलूर तालुका उपाध्यक्षपदी निवड करण्यात आली आहे.
ही निवड संभाजी ब्रिगेडचे विभागीय अध्यक्ष संकेत पाटील, जिल्हाध्यक्ष जेजेराव पाटील शिंदे, जिल्हा उपाध्यक्ष संतोष चिद्रावार, जिल्हा उपाध्यक्ष बालाजी पाटील आदेगांववाडीकर तसेच तालुका अध्यक्ष शाहजी बाबरे यांच्या मार्गदर्शनाखाली करण्यात आली.
भगवान काळे पाटील हे सामाजिक, शैक्षणिक व संघटनात्मक कामात सक्रिय असून त्यांच्या कार्याची दखल घेत ही जबाबदारी त्यांच्यावर सोपविण्यात आली आहे. त्यांच्या निवडीमुळे संभाजी ब्रिगेडच्या कार्याला देगलूर तालुक्यात अधिक बळ मिळेल, असा विश्वास पदाधिकाऱ्यांनी व्यक्त केला. दरम्यान, त्यांच्या निवडीबद्दल परिसरातील कार्यकर्ते, मित्रपरिवार व नागरिकांकडून त्यांचे अभिनंदन करण्यात येत आहे.