केकतसारणी येथे अखंड हरिनाम सप्ताह व शिव महापुराण कथा सोहळ्याचे आयोजन
मौजे केकतसारणी येथे भक्तीचा जागर ;विविध धार्मिक कार्यक्रमांची रेलचेल
केज/प्रतिनिधी
केज तालुक्यातील केकतसारणी येथील समस्त ग्रामस्थ मंडळ व तरुण मंडळाच्या वतीने दरवर्षी प्रमाणे याही वर्षी अखंड हरिनाम सप्ताह, शिवपुराण कथा आणि ग्रंथराज ज्ञानेश्वरी पारायण सोहळ्याचे भव्य आयोजन करण्यात आले आहे.दि.२६ मार्च ते ३ एप्रिल २०२६ या कालावधीत हा सोहळा अत्यंत उत्साहात पार पडणार असून,परिसरा तील भाविकांमध्ये भक्ती चे वातावरण निर्माण झाले आहे.कथा प्रवक्ते आणि दैनंदिन कार्यक्रम
यामध्ये सोहळ्याचे मुख्य आकर्षण म्हणजे ह.भ.प. श्री.भालचंद्र महाराज देव केजकर यांच्या रसाळ वाणीतून होणारी शिव पुराण कथा होय.दैनंदिन कार्यक्रमामध्ये पहाटे काकडआरती,विष्णू सहस्त्रनाम,ज्ञानेश्वरी पारायण,दुपारी शिव महापुराण कथा आणि रात्री हरिपाठासह नामवंत कीर्तनकारांची कीर्तने होणार आहेत.
कीर्तन महोत्सवाचे वेळापत्रक पुढीलप्रमाणे आहे सप्ताहामध्ये दररोज रात्री ९ ते ११ या वेळेत नामवंत महाराज मंडळींचे कीर्तन सेवा होणार आहे.दि.२६ मार्च रामजन्मोत्सव निमित्त ह.भ.प.श्रीकृष्ण महाराज चवार यांचे सकाळी १० ते १२ व रात्री ह.भ.प. महादेव महाराज बोराडे शास्त्री यांचे कीर्तन होणार असून २७ मार्च रोजी ह.भ.प. भागवताचार्य प्रमोद महाराज पवार,२८ मार्च ह.भ.प.मुक्ताताई सोनवणे नाशिक, २९ मार्च ह.भ.प.प्रियंकाताई साखरे ३० मार्च ह.भ.प. माधवी महाराज काळे,
३१ मार्च ह.भ.प. तुकाराम शास्त्री मुंडे परळीकर,१एप्रिल ह.भ.प.विनायक महाराज काचुगुंडे, २ एप्रिल रोजी हनुमान जन्मोत्सव निमित्त ह.भ.प.दीपक महाराज मेटे सकाळी ५ ते ७ व रात्री ह.भ.प.दीपक महाराज बादाडे यांचे कीर्तन होणार आहे.
काल्याचे कीर्तन व महाप्रसाद सोहळ्याची सांगता शुक्रवार,३ एप्रिल २०२६ रोजी सकाळी १० ते १२ या वेळेत ह.भ.प. महंत भगवान महाराज शास्त्री यांच्या काल्याच्या कीर्तनाने होईल.त्यानंतर उपस्थित सर्व भाविकां साठी महाप्रसादाचे आयोजन करण्यात आले आहे.या मंगलमय सोहळ्यासाठी नामवंत गायक,वादक आणि मृदंगमणी आपली सेवा अर्पण करणार आहेत. केकतसारणी आणि परिसरातील सर्व भाविक भक्तांनी या श्रवण सुखाचा आणि महा प्रसादाचा लाभ घ्यावा, असे आवाहन समस्त गावकऱ्यांच्या वतीने करण्यात आले आहे.