देगलूर प्रतिनिधी,दि.०८:- अडत व्यापारी शिक्षण संस्था संचालित देगलूर महाविद्यालयातील आय क्यू ए सी समन्वयक डॉ लक्ष्मण कुमार सुदाम व सह समन्वयक डॉ विनय भोगले आणि यशवंत महाविद्यालयातील डॉ राव मॅडम यांनी संयुक्तपणे लिहीलेले ‘अंडरस्टँडिंग ऑफ फाॅनिटिक्स’ आणि ‘अंडरस्टँडिंग ऑफ इंग्लिश ग्रामर’ या दोन संदर्भ ग्रंथाचे विद्यापीठात मान्यवरांच्या हस्ते प्रकाशन करण्यात आले.
या प्रसंगी विद्यापीठाचे कुलगुरू डॉ उद्धव भोसले, मा. प्रकलगुरू डॉ. जोगेंद्रसिंह बिसेन, अधिष्ठाता डॉ अजय टेंगसे, देगलूर महाविद्यालयाचे प्राचार्य डॉ. मोहन खताळ यांच्या उपस्थितीत हा प्रकाशन सोहळा संपन्न झाला. या क्षणी प्रा. डॉ.राजपाल चिखलीकर, डॉ रेड्डी , प्रा. डॉ. विठ्ठल जम्बाले आणि इतर मान्यवर उपस्थित होते.
समकालीन भाषा अभ्यासामध्ये उच्चारण शास्त्र आणि व्याकरण हे अतिशय महत्त्वाचे विषय असून या संबंधित भाषा अभ्यास प्राध्यापकांनी केलेला आहे, हे अभिनंदनीय असल्याबद्दल माननीय कुलगुरूंनी समाधान व्यक्त केले. तसेच त्यासंबंधी आगामी संशोधनात्मक लेखनाला व अभ्यासाला महत्त्व देण्यात यावे, अशी अपेक्षाही व्यक्त केली.