देगलूर प्रतिनिधी,दि.२०:- नगरपरिषद हद्दीतील मालमत्ताधारकांनी कराचा निर्धारित वेळेत भरणा न केल्यास संबंधितांची मालमत्ता सील करून त्याचा लिलाव नगरपरिषदेचे मुख्याधिकारी गंगाधरराव इरलोड यांनी दिला आहे.करण्याचा इशारा शहरात साडेचौदा हजारांहून अधिक मालमत्ताधारक आहेत.
प्रतिनिधी नेमणे आहे संपर्क 9890476595
तर साडेआठ हजारांच्या जवळपास नळ कनेक्शन आहेत. आठ महिन्यांपासून पालिकेवर प्रशासकराज अस्तित्वात आहे. शहराच्या मुख्य रस्त्यांवरील स्वच्छतेसह विविध भागांत विविध उपाययोजना करण्यात येत आहेत. यासाठी पालिकेत मोठ्या प्रमाणात कर्मचारी वर्ग कार्यरत असल्याचे दिसून येते. यासाठी मोठ्या प्रमाणात आर्थिक खर्च येत आहे.
साडेचौदा हजार मालमत्ताधारकांना नगरपरिषदेकडून मोठ्या मागणी बिले पाठविण्यात आले आहेत.दरम्यान, मोठे थकबाकीदार मागणी बिलांना अनुसरून रकमेचा भरणा करत नसल्याचे मुख्याधिकारी इरलोड यांच्या निदर्शनास येताच त्यांनी बुधवारी वसुली विभागाची तातडीची बैठक बोलावली होती.
मागणी बिलानुसार रकमेचा भरणा न करणाऱ्या मालमत्ताधारकांना दोन कायदेशीर नोटीस पाठवाव्यात, याउप्परही त्यांनी कराचा भरणा न केल्यास महिन्याअखेर त्यांच्या मालमत्ता सील करून घरातील फ्रीज, टीव्ही, दुचाकी व चारचाकी वाहने जप्त करण्यात येतील, असे बैठकीमध्ये निर्णय घेतला.
थकबाकीदारांना मुख्याधिकारी व्यक्तिशः भ्रमणध्वनीद्वारे संपर्क साधून व कर्मचारी हे घरोघरी भेट घेऊन थकीत करांचा भरणा करावा, अशी विनंती करताना दिसत आहेत.
