देगलूर दि.२० :- येथील अडत व्यापारी शिक्षण संस्था संचलित देगलूर महाविद्यालयात शासकीय उपजिल्हा रुग्णालय देगलूर व राष्ट्रीय सेवा योजना विभाग देगलूर महाविद्यालय देगलूर यांच्या संयुक्त विद्यमाने महाविद्यालयातील अधिकारी, कर्मचारी व विद्यार्थ्यांच्या आयुष्यमानभारत(aayushman Bharat health account) कार्ड कार्यान्वित करण्या संदर्भात मार्गदर्शन [दि.१८डिसेबंर रोजी] आयोजित करण्यात आले होते.
या मार्गदर्शनात उपप्राचार्य चमकुडे एम एम व डॉ.शेरीकर व्ही जी यांची विशेष उपस्थिती होती.
या मार्गदर्शन शिबीरात उपजिल्हा रुग्णालयाचे जाधव व गवलवाड कर्मचा-यानी विद्यार्थ्यांना आ.भा. कार्ड कसे कार्यान्वित करावे या संदर्भात सविस्तर मार्गदर्शन दिले.
अध्यक्षीय समारोप करताना उपप्राचार्य चमकुडे एम एम यांनी विद्यार्थ्यांनी स्वतःचे व आपल्या कुटुंबीयांचे आ भा कार्ड कार्यान्वित करून यामध्ये जास्तीत जास्त सहभाग घ्यावा असे आवाहन केले.
प्रारंभी राष्ट्रीय सेवा योजना कार्यक्रमाधिकारी डॉ. संजय देबडे यांनी प्रास्ताविकात मार्गदर्शन शिबीरा मागची भुमिका स्पष्ट केली.
शिबिराचे सूत्रसंचालन व आभार प्रा.शिवचरण गुरुडे यांनी मानले.
या मार्गदर्शन शिबीराची संकल्पना महाविद्यालयाचे प्राचार्य डाॅ.मोहन खताळ यांची होती. या शिबिरास पर्यवेक्षक एस. एन.पाटील सह शिक्षक, शिक्षकेतर कर्मचारी ,विद्यार्थी उपस्थित होते.
