देगलूर प्रतिनिधी,दि.१४:- देगलूर तालुक्यातील प्रवाशांसाठी आनंदाची बातमी आहे. वाढत्या प्रवासी गर्दीचा विचार करून राज्य परिवहन महामंडळाच्या नांदेड विभागाने देगलूर आगारामार्फत नांदेड ते देगलूर आणि देगलूर ते नांदेड या
मार्गावर नवीन ४ विनावाहक (कंडक्टरविरहित) एस.टी. बसेस सुरु केल्या आहेत. या बसेस दिवाळीच्या पार्श्वभूमीवर तातडीने सुरू करण्यात आल्या असून प्रवाशांना याचा मोठा दिलासा मिळणार आहे.
देगलूर आगार व्यवस्थापकांनी माहिती देताना सांगितले की, ग्रामीण भागातून नांदेडकडे व्यवसाय, शिक्षण, नोकरी, आरोग्य व इतर कारणांसाठी मोठ्या संख्येने प्रवासी दररोज प्रवास करतात. प्रवाशांच्या सोयीसाठी या चार विनावाहक
बससेवा तातडीने सुरू करण्यात आल्या असून या बसेस नियोजित वेळापत्रकानुसार धावतील. प्रवाशांनी या सेवांचा मोठ्या प्रमाणात लाभ घ्यावा, असे आवाहनही करण्यात आले.
बस सुटण्याचे वेळापत्रक देखील जाहीर करण्यात आले असून, सकाळी ७ ते सायंकाळी ६ वाजेपर्यंत देगलूर ते नांदेड आणि तसेच नांदेड ते देगलूर या मार्गावर नियमित बससेवा उपलब्ध राहणार आहे.
या उपक्रमामुळे ग्रामीण भागातील नागरिकांना प्रवासाची सोय उपलब्ध होत असून एस.टी. सेवांवरचा नागरिकांचा विश्वास अधिक दृढ होणार आहे.