हैदराबाद (रामअंतापुर) प्रतिनिधी दि.१२ :- स्थानिक परिसरात हरवलेला मोबाईल फोन प्रामाणिकपणे मालकाला परत देत मोहम्मद युसुफ बाबा यांनी माणुसकी आणि जबाबदारीचे उत्तम उदाहरण घालून दिले आहे. संबंधित व्यक्तीचा मोबाईल सार्वजनिक ठिकाणी हरवला होता. बराच वेळ शोध घेऊनही मोबाईल सापडत नसल्याने मालक चिंतेत होता आणि संपर्क तुटल्यामुळे अडचणीत आला होता.
याच दरम्यान मोहम्मद युसुफ बाबा यांना रस्त्याच्या कडेला हा मोबाईल आढळून आला. मोबाईल स्वतःकडे ठेवण्याचा मोह टाळत त्यांनी तत्काळ मालकाचा शोध घेण्याचा प्रयत्न केला. मोबाईलमधील संपर्क क्रमांक आणि इतर माहितीच्या आधारे त्यांनी संबंधित व्यक्तीशी संपर्क साधला आणि मोबाईल सुरक्षितपणे परत केला.
मोबाईल परत मिळाल्यानंतर मालकाने दिलासा व्यक्त करत मोहम्मद युसुफ बाबा यांचे मनापासून आभार मानले. “आजच्या काळात अशा प्रामाणिक व्यक्ती भेटणे ही भाग्याची गोष्ट आहे,” अशी प्रतिक्रिया त्यांनी दिली.
या घटनेमुळे परिसरातील नागरिकांकडून मोहम्मद युसुफ बाबा यांच्यावर अभिनंदनाचा वर्षाव होत आहे. समाजात प्रामाणिकपणा, विश्वास आणि सामाजिक जबाबदारी जपणाऱ्या अशा कृतींमुळे सकारात्मक संदेश पसरत असून इतरांसाठीही प्रेरणादायी ठरत आहेत.
साप्ताहिक महिमा खादीच्या संपूर्ण परिवारातर्फे अशा प्रामाणिक व्यक्तीचे खूप खूप आभार.