देगलूर प्रतिनिधी :- अडत व्यापारी शिक्षण संस्था संचलित देगलूर महाविद्यालयाचा नावलौकिकाबद्दल मी विविध ठिकाणी ऐकले आहे, आज या महाविद्यालयाच्या भव्य व रमणीय परिसरात ते साक्षात दिसुन येत आहे.
येथील शैक्षणिक पर्यावरण विद्यार्थ्यांच्या जडणघडणसाठी व सर्वांगीण विकासासाठी उत्तम आहे. तसेच या महाविद्यालयाचा ऐतिहासिक आणि सांस्कृतिक वारसा हा समृद्ध असून त्या बळावर वर्तमानात प्रस्तुत महाविद्यालयाने दर्जेदार विद्यार्थ्यी घडविण्यात मोलाचं योगदान दिले आहे, असे उद्गार नांदेड उच्च शिक्षण विभागाचे सहसंचालक डॉ बाबासाहेब भोसले यांनी काढले.
ते देगलूर महाविद्यालयास सदिच्छा भेट देन्यासाठी आले होते.
भेटीदरम्यान महाविद्यालय परिसरातील डिजिटल क्लास रूम, संगणक कक्ष, भव्य मैदान, ग्रंथालय, विविध प्रयोग शाळा इत्यादी भौतिक अद्यावत सुविधा पाहून त्यांनी आनंद व्यक्त केला. महाविद्यालयांतील शैक्षणिक आणि संशोधनात्मक सुविधांबाबत प्रत्यक्ष पाहणी केली. या भेटीदरम्यान महाविद्यालयाचे प्राचार्य डॉ मोहन खताळ व प्राध्यापक यांच्याशी चर्चा केली. तसेच उपस्थितांशी संवाद साधला .
पुढे ते म्हणाले,’बदलत्या काळानुसार शिक्षकांनी विद्यार्थ्यांशी आत्मीयता जपावी आणि विद्यार्थ्यांना स्वावलंबनाचे धडे द्यावेत. कालसुसंगत परिवर्तनीय भूमिका ठेवून वाटचाल करावी’ नवीन व्यावसायिक व रोजगाराभिमुख अभ्यासक्रम सुरु कारावेत असा संदेश दिला. याप्रसंगी महाविद्यालयातील उपप्राचार्य डॉ अनिल चिद्रावार, महाविद्यालय विकास समिती सदस्य डॉ. विठ्ठल जंबाले, डॉ. अशोक टिपरसे, डॉ विनय भोगले , यांच्या सह अनेक प्राध्यापक व कर्मचारी उपस्थित उपस्थित होते.
कार्यक्रमाचे सूत्रसंचालन डॉ बी आर कतूरवार यानी केले.