देगलूर प्रतिनिधी:- देगलूर महाविद्यालयाच्या विद्यार्थ्यासह शहरातील नागरिकांचे आरोग्य निरोगी व तंदुरुस्त व्हावे या उद्देशाने महाराष्ट्र शासनाच्या जिल्हा क्रीड़ा आधिकारी कार्यालय नांदेड यांच्याकड़ून अडत व्यापारी शिक्षण संस्था संचलित देगलूर महाविद्यालयास खुली व्यायाम शाळा मंजूर करण्यात आली आहे.
नुकतेच देगलूर महाविद्यालयाच्या भव्य मैदानावर खुल्या व्यायाम शाळेचे उद्घाटन संपन्न झाले आहे. उद्घाटन कार्यक्रमाच्या अध्यक्षस्थानी अडत व्यापारी शिक्षण संस्थेचे अध्यक्ष प्रकाश पाटील बेम्बरेकर होते तर कार्यक्रमास संस्थेचे उपाध्यक्ष जनार्धन चिद्रावार, सचिव डॉ. कर्मवीर उनग्रतवार, सहसचिव राजकुमार महाजन यांच्यासह संस्थेच्या कार्यकारिणी मंडळाचे सदस्य सूर्यकांत नारलावार, रवींद्रअप्पा द्याडे, चंद्रकांत नारलावार, विजय उनग्रतवार यांच्यासह महाविद्यालयाचे प्राचार्य डॉ. मोहन खताळ उपस्थित होते.
मानवी जीवन निरोगी व निकोप राहन्यासाठी नियमीत व्यायाम अत्यंत आवश्यक आहे. खुली व्यायामशाळा सुरु झाल्यामूळे देगलूर महाविद्यालयातील विद्यार्थ्यांचे, खेळाडू, प्राध्यापक व कर्मचारी वर्गाचे तसेच शहरातील नागरिकांचे आरोग्य निरोगी आणि तंदुरुस्त राहण्यास मदत होनार आहे.
या खुल्या व्यायाम शाळेत सीटअप स्टेशन, शोल्डर बिल्डर, डबलबार आऊटडोर मिनी स्कीट, फिटनेस सायकल अशा एकूण १२ उपकरणांचा समावेश आहे.खुल्या व्यायामशाळेच्या माध्यमातून विद्यार्थी, पालक व विविध क्रीडाप्रेमी समूहांची सर्व सोयी सुविधांची पूर्तता झाली आहे. सकाळी मॉर्निंग वॉकला आलेल्या जेष्ट नागरिकांनाही मैदानावर खुल्या व्यायाम शाळेमुळे विविध प्रकारचे व्यायाम करणे सहज शक्य झाले आहे. विविध उपकरणांनी व्यायामशाळा परिपूर्ण आहे. उद्घाटन कार्यक्रमाचे सूत्रसंचालन प्रा डॉ. बा. रा. कतूरवार यानी केले तर आभार डॉ. निरज उपलंचवार यानी मानले.
या प्रसंगी उपप्राचार्य डॉ. अनिल चिद्रावार, उपप्राचार्य डॉ एम एम चमकुडे उपप्राचार्य डॉ व्ही जी शेरीकर , पर्यवेक्षक संग्राम पाटील , कार्यालय अधीक्षक गोविंद जोशी व शारीरिक शिक्षण विभागप्रमुख प्रा दीपक वावधाने, प्रा. सीताराम हाके, सर्व प्राध्यापक, कर्मचारी आणि विद्यार्थी उपस्थित होते.
कार्यक्रम यशस्वी करन्यासाठी एन सी सी व क्रीड़ा विभागातील विद्यार्थ्यानी विशेष परिश्रम घेतले.