मा. रामदासजी पाटील सुमठाणकर यांना नांदेड विधान परिषद निवडणुकीसाठी काँग्रेसची उमेदवारी.
नांदेड प्रतिनिधी : महाराष्ट्र प्रदेश काँग्रेस कमिटीने नांदेड स्थानिक प्राधिकरण मतदारसंघाच्या विधान परिषद निवडणुकीसाठी ज्येष्ठ काँग्रेस नेते मा. रामदासजी पाटील सुमठाणकर यांना अधिकृत उमेदवारी जाहीर केली आहे. त्यांच्या उमेदवारीमुळे काँग्रेस कार्यकर्त्यांमध्ये उत्साहाचे वातावरण निर्माण झाले असून जिल्हाभरातून त्यांचे अभिनंदन होत आहे.
रामदासजी पाटील सुमठाणकर यांनी अनेक वर्षे पक्ष संघटना मजबूत करण्यासाठी तसेच जनतेच्या प्रश्नांसाठी सातत्याने काम केले आहे. ग्रामीण भागापासून जिल्हास्तरापर्यंत त्यांचा व्यापक जनसंपर्क असून स्थानिक स्वराज्य संस्थांच्या प्रतिनिधींमध्येही त्यांचे चांगले संबंध आहेत.
उमेदवारी जाहीर झाल्यानंतर काँग्रेस पदाधिकारी, कार्यकर्ते आणि समर्थकांनी आनंद व्यक्त केला असून आगामी निवडणुकीत विजयी करण्याचा निर्धार व्यक्त केला आहे. नांदेड जिल्ह्याच्या विकासासाठी आणि स्थानिक स्वराज्य संस्थांच्या प्रश्नांना विधान परिषदेत प्रभावीपणे मांडण्यासाठी रामदासजी पाटील सुमठाणकर यांची उमेदवारी महत्त्वपूर्ण मानली जात आहे.
काँग्रेस पक्षाने अनुभवी आणि जनाधार असलेल्या नेतृत्वावर विश्वास दाखवत ही उमेदवारी दिल्याची प्रतिक्रिया विविध स्तरांतून व्यक्त होत आहे. आता स्थानिक प्राधिकरण मतदारसंघातील निवडणुकीकडे जिल्ह्याचे लक्ष लागले आहे.