२५६ उमेदवारांचा सहभाग; ५२ जणांची प्राथमिक निवड
अकोला प्रतिनिधी, दि.०९:- जिल्हा कौशल्य विकास, रोजगार व उद्योजकता मार्गदर्शन केंद्राच्या वतीने पंडीत दीनदयाल उपाध्याय रोजगार मेळाव्याचे आज आयोजन करण्यात आले. या मेळाव्यात ८६ पदांसाठी भरती प्रक्रिया राबविण्यात आली. त्यात प्रमुख पाच आस्थापनांनी सहभाग घेतला. भरती प्रक्रियेसाठी २५६ उमेदवारांनी आपला सहभाग नोंदविला तर निवड प्रक्रियेनंतर ५२ जणांची प्राथमिक निवड झाली,अशी माहिती जिल्हा रोजगार स्वयंरोजगार व कौशल्य विकास विभागाचे सहायक आयुक्त द.ल. ठाकरे यांनी दिली.
या रोजगार मेळाव्यात १) रॅलीज इंडिया लिमीटेड, एम.आय.डी.सी. अकोला येथे एकूण १० पदे २) लिबेन लाईफ सायंन्स प्रा.लि. एम.आय.डी.सी. अकोला येथे एकूण १५ पदे ३) गुजरात अंबुजा एक्स्पोर्ट, अकोला यांनी एकूण ३० पदे ४) एम.एम.इंण्डस्ट्रिज प्रा.एम.आय.डी.सी. अकोला येथे एकूण ८ पदे ५) नमस्ते वेन्चर प्रा.लि.अकोला येथे एकूण २३ पदे असे एकूण ८६ पदांच्या भरतीचे नियोजन करण्यात आले आहे. या मेळाव्यात जिल्ह्यातील २५६ उमेदवारांनी सहभाग नोंदविला. त्यात ५२ उमेदवारांची प्राथमिक निवड करण्यात आली आहे.
जिल्हा प्रशासनातर्फे दर महिन्याच्या आठ तारखेला रोजगार मेळाव्याचे आयोजन केले जाते. उमेदवारांकरीता रोजगार मेळाव्यात ठिकाणीच नोंदणी करण्याची सुविधा उपलब्ध करुन देण्यात आली होती. यावेळी जिल्हाधिकारी निमा अरोरा, निवासी उपजिल्हाधिकारी संजय खडसे, जिल्हा समन्वय शैक्षणिक गुणवत्ता कक्षाचे गजानन महल्ले यांचे मार्गदर्शन व सहकार्य लाभले. तसेच महाराष्ट्र राज्य ग्रामिण जीवनोन्नती अभियानाचे नरेंद्र काकड, गोपाल भाकरे, हर्षद भुरभुरे, मनोज वैद्य, जिल्हा रोजगार स्वयंरोजगार व कौशल्य विकास विभागाचे अधिकारी व कर्मचारी यांनी अथक परिश्रम घेतले.
