देगलूर प्रतिनिधी दि. ०१ :- मागील काही दिवसापासुन देगलूर शहरात रात्रीचे वेळी घरफोडीचे सत्र चालू होते. शहरातील शारदा नगर येथे राहणारे दिनेश संगमनाथ मुनगलवार, व्यवसाय गुत्तेदार हे मुलाला भेटण्यासाठी पुणे येथे गेले असता दिनांक ०१/१२/२०२२ ते ०६/१२/२०२२ रोजी चे दरम्यान त्याचे बंद घराचा चोरट्यांनी कडी कोंडा तोडून घरातील सोनी कंपनीची टि.व्ही., भारत कंपनीची गॅस सीलेंडर कारवान कंपनीचे गाण्याचे टेप रेकॉर्डर, शालू, लेनीन कंपनीचे ड्रेस कापड, लक्ष्मीपुजनासाठी ठेवलेले चांदीचे नाणे, एक सोन्याची नथ, साडया, मिलटन
कंपनीची पाणी बॉटल, मिलटन कंपनीचे वॉटर हीटर, चॉकलेटी रंगाची दोन बेडसीट एक तांब्याची कळश, रेमंड कंपनीचे सफारी सुट कापड, चांदीचे चैन, चांदीचे वाळे, चांदीचे शिक्के, सोन्याचे पाटली जोड, सॅमसंग गॅलक्सी कंपनीचा मोबाईल, NAVIFORCE कंपनीची हाताची घड्याळ इत्यादी साहीत्य चोरुन नेले होते. त्यावरुन पो.स्टे. देगलुर येथे गु.र.न. ५४०/२०२२ कलम ४५४. ४५७, ३८० भा.द.वि. प्रमाणे गुन्हा दाखल होता.
तसेच आनंद नगर भायेगाव रोड देगलुर येथे राहणारे हाणमंत खंड़ गायकवाड हे त्यांचे आईची तब्येत ठिक नसल्याने दिनांक १२/१२/२०२२ रोजी गावी मंडगी येथे गेले असतांना मध्यरात्री त्यांचे बंद घराचा कोंडा तोडून घरातील सोन्याचे गंठन, सोन्याचे कानातील झुमके फूल, सोन्याचे मनिमंगळ सुत्र, चांदीचे पायातील वाळे, LG कंपनीचे ३२ इंची LED टि.व्ही. असा २,२९,०००/- रुपयाचा माल तसेच तेथे शेजारी टेकाळे गल्ली देगलूर येथे राहणारे दत्ता मारोती हाके हे गावी उच्चा येथे
असतांना चोरट्याने त्याचे घराचा कोंडा तोडुन घरातील सोन्याचे गळ्यातील पान रेडमी कंपनीची ३२ इंची LED टि.व्ही. असा माल चोरून नेला होता त्यावरुन हाणमंत खंडू गायकवाड याचे तक्रारीवरुन गु.र.न.५४९/२०२२ कलम ४५४, ४५७, ३८० भा.द.वि. प्रमाणे गुन्हा दाखल होता.
तसेच दिनांक २२/१२/२०२२ साईनगर देगलुर येथे राहणारे राम हाणमंतराव पाटील हे वेळ अमावस्याचे कार्यक्रमासाठी गावी एकलारा येथे गेले असतांना मध्यरात्री चोरट्याने बंद घराचा कोंडा तोडून घरातील सोन्याचे पाटल्या, सोन्याचेलॉकेट, सोन्याचे गंठन, सोन्याचे आंगठ्या असा ४,६५,०००/- रुपयाचा मुद्देमाल चोरुन नेला होता. तसेच शेजारीच आनंदनगर भायेगाव रोड येथे राहणारे बालाजी संमतराव
एकलारे हे गावी गेले असताना त्यांचे बंद घराचे कुलूप तोडून कपाटातील सोन्याचे टॉप्स व बेल, सोन्याची आंगठी, चांदीचे पायातील चैन असा १,३४,०००/- रुपयाचा ऐवज चोरून नेला होता. त्यावरुन राम हानमंतराव पाटील यांनी दिलेल्या तक्रारीवरून गु.र.न. ५५५/२०२२ कलम ४५४, ४५७, ३८० भा.द.वि. प्रमाणे गुन्हा दाखल होता.
सदर चोरीचे गुन्हे उघडकीस आणण्याचे व आरोपी निष्पन्न करण्याचे दृष्टीने श्री श्रीकृष्ण कोकाटे साहेब पोलीस अधिक्षक नांदेड, श्री अविनाश कुमार, अपर पोलीस अधिक्षक, नांदेड व श्री सचिन सांगळे, उपविभागीय पोलीस अधिकारी, उपविभाग देगलूर यांचे मार्गदर्शना खाली पो. नि. सोहन माछरे यांनी सपोनि माळाळे, पो.उप.नि. श्रीकांत मोरे, पो.उप.नि. पुनम सुर्यवंशी, पो.ना. कृष्णा तलवारे, पो.कॉ. सुधाकर मलदोडे, पो. कॉ. संजय यमलवाड, पो. कॉ. नामदेव मोरे, ड्रायव्हर पोहेकॉ. शेख जावेद, पो.कॉ. महाजन, पो. कॉ. बेग यांचे पथक तयार करून तसेच रात्रगस्त कामी असलेले पोलीस अधिकारी व अंमलदार यांना आरोपी निष्पन्न करण्याचे दृष्टीने नियमीतपणे सुचना दिल्या.
तसेच पथकातील अधिकारी व अंमलदार यांना शहरात नविन राहण्यास कोण आलेले आहे याबाबत गोपनिय माहीतीगार यांचेकडून माहीती घेणे बाबत सूचना दिल्या होत्या. पथकातील अधिकारी व अंमलदार यांना राजु बसवे रा. मुकुंदनगर हा सदर भागात राहण्यास आला असून त्याचेघरी चोरीचे साहीत्य असल्याची माहीती समजली.
तसेच चोरीस गेलेल्या मोबाईल बाबत सायबल सेलची मदत घेऊन आरोपी नामे राजु गंगाराम बसवे वय ३९ वर्ष, रा. मुकुंदनगर देगलूर या आरोपीस ताब्यात घेतले. सदर आरोपीचा मुकुंदनगर येथील घराची घरझडती घेतली असता त्याचे ताब्यात सोनी कंपनीची टी.की.. भारत कंपनीची गॅस सीलेंडर, कारवान कंपनीचे गाण्याचे टेप रेकॉर्डर, दोन हिरव्या रंगाचे शालु व एक अरज रंगाचा शालू, साडया, मिलटन कंपनीची पाणी बॉटल प्रेस्टीज कंपनीचे वॉटर होटर, चॉकलेटी रंगाची दोन बेडसीट एक तांब्याची कळश, रेमंड कंपनीचे सफारी सुट सॅमसंग गॅलक्सी कंपनीचा मोबाईल, LG कंपनीची led टि.व्ही चांदीचे वाळे, सोन्याची लॉकेट चांदीचे चैन असा एकून १०५,५०० /- रुपयाचा माल मिळुन आला.
सदर आरोपीकडून नमुद गुन्ह्यासह इतर पोलीस ठाणे हृदितील चोरीचे गुन्हे उघडकिस येण्याची शक्यता असून त्यास मा.न्यायालयात हजर केले असता मा.न्यायालयाने गुन्ह्याचे तपास कामी दिनांक ०२/०१/२०२३ पावेतो पोलीस कस्टडी रिमांड दिली आहे. सदर गुन्ह्याचा अधिक तपास पो.नि. सोहन माछरे साहेब हे करीत आहेत..
सदर गुन्ह्यातील आरोपी निष्पन्न करुन त्याचेकडून चोरीस गेला माल हस्तगत करून उत्कृष्ट कामगीरी केल्याने श्रीकृष्ण कोकाटे साहेब पोलीस अधिक्षक नांदेड, श्री अविनाश कुमार, अपर पोलीस अधिक्षक, नांदेड व श्री सचिन सांगळे, उपविभागीय पोलीस अधिकारी, उपविभाग देगलूर यांनी पोलीस अधिकारी व अंमलदार यांचे विशेष अभिनंदन केले आहे.
