हैदराबाद काचीगुडा, दि.१० सप्टेंबर :- गव्हर्नमेंट कनिष्ठ महाविद्यालय, काचिगुडा येथे शिक्षक दिन मोठ्या आदराने व आनंदाने साजरा करण्यात आला. विद्यार्थ्यांनी आपल्या शिक्षकांप्रती कृतज्ञता व्यक्त करत गीते, निबंध, नाटिका व विविध सांस्कृतिक कार्यक्रम सादर केले. शिक्षकांच्या समाज घडविण्यातील महत्त्वपूर्ण भूमिकेवर विद्यार्थ्यांनी मनोगतेही व्यक्त केली.
त्याच दिवशी तेलंगाणा भाषा दिनोत्सव देखील साजरा करण्यात आला. कवी कळोजी नारायणराव यांच्या जयंतीनिमित्त महाविद्यालयात कविसंमेलन, चर्चासत्रे व भाषणांचे आयोजन करण्यात आले. तेलंगाणा भाषेचा वैभवशाली इतिहास, साहित्य व संस्कृती यावर भर देण्यात आला.
या दुहेरी सोहळ्यामुळे शिक्षकांविषयीचा आदर व मातृभाषेबद्दलचा अभिमान यांची जाणीव विद्यार्थ्यांना झाली.