देगलूर प्रतिनिधी दि.१४ :- नांदेड येथील यशवंत महाविद्यालयात दिनांक १३ रोजी पार पडलेल्या जिल्हास्तरीय शालेय व्हॉलीबॉल स्पर्धेत १७ वर्षे वयोगटातील मुलांच्या गटात देगलूर महाविद्यालयाच्या संघाने विजेतेपद पटकावून देगलूरचा गौरव वाढवला आहे.
संघाचे कर्णधार साईकृष्णा मंडलेवार यांच्या नेतृत्वाखाली कुरेशी मोहम्मदसाद, शेख रहेमान, शेख रिहान, यश वद्देवार, मनोज जाधव, कज्जेवाड जीवन, शिवराज बोडके, अबूदुजाना शेख, कुरेशी अयान, सुदर्शन सुकनाळे या खेळाडूंनी उत्कृष्ट कामगिरी करत विजय मिळवला.
या विजयी संघाला क्रीडा शिक्षक सिताराम हाके यांचे प्रशिक्षण तसेच राष्ट्रीय व्हॉलीबॉलपटू बालाजी मंडलेवार आणि क्रीडा संचालक डॉ. निरजकुमार उपलंचवार यांचे मार्गदर्शन लाभले. स्पर्धेनंतर जिल्हा क्रीडा अधिकारी कार्यालयाच्या वतीने संघाचा सत्कार करण्यात आला आणि पुढील विभागीय शालेय व्हॉलीबॉल स्पर्धेसाठी शुभेच्छा देण्यात आल्या.
या उल्लेखनीय यशाबद्दल अ. वि. संस्था अध्यक्ष प्रकाश पाटील बेंबरेकर, सचिव डॉ. कर्मवीर उनग्रतवार, उपाध्यक्ष जनार्दन चिद्रावार, सहसचिव राजकुमार महाजन, कोषाध्यक्ष विलास तोटावार, कार्यकारिणी सदस्य नारायणराव मैलागिरे, सूर्यकांत नारलावार, देवेंद्र मोतेवार, गंगाधरराव जोशी, रवींद्र आप्पा द्याडे, चंद्रकांत नारलावार, गुरुराज चिद्रावार, विजय उनग्रतवार, प्राचार्य डॉ. मोहन खताळ, उपप्राचार्य डॉ. अनिल चिद्रावार, अधीक्षक गोविंद जोशी, उपप्राचार्य डॉ. एम. एम. चमकुडे, उपप्राचार्य डॉ. शेरीकर व्ही. जी., पर्यवेक्षक संग्राम पाटील, प्रा. दीपक वावधाने आदींनी खेळाडूंचे अभिनंदन केले.