देगलूर प्रतिनिधी, दि. ०८ :-
देगलूर शहरातील बाजारपेठेतील हनुमान मंदिराचे मुख्य पुजारी दीपक गुरु यांचे अल्पशा आजाराने शहरातील एका खासगी रुग्णालयात उपचारादरम्यान मंगळवार दि. ०७ रोजी दुपारी निधन झाले. मृत्यूसमयी ते ५० वर्षांचे होते.
त्यांच्या पार्थिवावर मंगळवार दि. ०७ रोजीच सायंकाळी ८ वाजता शहरातील सार्वजनिक वैकुंठधाम येथे शोकाकुल वातावरणात अंत्यसंस्कार करण्यात आले.
त्यांच्या पश्चात पत्नी, एक मुलगा, एक मुलगी, दोन भाऊ, भावजय असा मोठा परिवार आहे.
मनमिळावू स्वभाव व कायम हसरा चेहरा यामुळे ते सर्वपरिचित होते. त्यांच्या निधनाने बाजारपेठेतील व्यापारी, नागरिक व भक्तवर्गात शोककळा पसरली असून अंत्यसंस्कारासाठी मोठ्या संख्येने मित्रपरिवार, भक्त व नागरिक उपस्थित होते.