शैक्षणिक क्षेत्रात देगलूर महाविद्यालयाची यशस्वी वाटचाल.
देगलूर प्रतिनिधी दि.१९ :- महाराष्ट्र शासन निर्णयानुसार राज्यातील सर्व शाळांचे मूल्यांकन करण्यासाठी राज्य शैक्षणिक संशोधन व प्रशिक्षण परिषद पुणे येथे राज्य शाळा मानक प्राधिकरण कक्षाची स्थापना करण्यात आली होती.
राज्यातील सर्व माध्यमांच्या व सर्व व्यवस्थापनाच्या शाळांसाठी गुणवत्ता मूल्यांकन व आश्वासन आराखड्याची SQAAFFची निर्मिती करण्यात आली होती या मूल्यांकनात राज्यातून अडत व्यापारी शिक्षण संस्थेचे देगलूर महाविद्यालयास अ+(A+ )श्रेणी प्राप्त झाली आहे.अ.व्या.शिक्षण संस्थेचे देगलूर महाविद्यालय देगलूर हे नांदेड जिल्ह्यातील ग्रामीण भागातील सर्वोत्कृष्ट शैक्षणिक वारसा जपणारे महाविद्यालय आहे.
सन २०२४~२५ यामध्ये राज्यातील १०२६७५ शाळांनी स्वयं मूल्यांकन पूर्ण केले यानुसार राज्य शैक्षणिक मूल्यांकन पथकाद्वारे शाळा व कनिष्ठ महाविद्यालयाची तपासणी व पडताळणी करण्यात आली होती. यानुसार स्वयंमूल्यांकनात सर्वाधिक गुण मिळवणाऱ्या शाळा व कनिष्ठ महाविद्यालयापैकी सन २०२५ व २६ या वर्षात १७१२ शाळांची बाह्य मूल्यांकन करण्यासाठी निवड करण्यात येऊन त्यापैकी १६४४ शाळांचे बाह्य मूल्यांकन पूर्ण करण्यात आले. यामध्ये महाराष्ट्र शासन निर्णयातील क प्राधिकरणाची कार्यपद्धती व कार्य मध्ये बाह्य मूल्यांकनासाठी त्रयस्थ पक्षाद्वारे मूल्यांकन पूर्ण करण्यात आले .
यांच्या मूल्यांकनानंतर मिळालेल्या श्रेणी मध्ये नांदेड जिल्ह्यातून प्रथम अडत व्यापारी शिक्षण संस्था संचलित देगलूर महाविद्यालय देगलूर यास अ+ श्रेणी (A+)प्राप्त झाली आहे. या मूल्यांकनात अ+श्रेणी साठी जिल्ह्य़ातील देगलूर महाविद्यालय देगलूर (क.म.) व सगरोळीचे श्री छ.शिवाजी कनिष्ठ महाविद्यालय हे दोन शाळा; महाविद्यालय पात्र झाल्या आहेत.
देगलूर महाविद्यालयात शाळा गुणवत्ता मूल्यांकन व आश्वासन आराखड्याचे काम प्राचार्य डॉ. मोहन खताळ यांच्या मार्गदर्शनाखाली करण्यातआले. महाविद्यालयात SQAFFचे प्रत्येक क्षेत्राचे स्वतंत्र संयोजक नेमून हे कार्य पूर्ण करण्यात आले होते. महाविद्यालयास SAQAFF मूल्यांकन प्राप्त झाल्याबद्दल अडत व्यापारी शिक्षण संस्थेचे अध्यक्ष प्रकाश पाटील बेम्बरेकर सचिव डाॅ. कर्मवीर उनग्रतवार सहसचिव राजकुमार महाजन
उपाध्यक्ष जनार्दन सेठ चिद्रावार कोषाध्यक्ष विलास तोटावार कार्यकारणी सदस्य सूर्यकांत नारलावार,देवेंद्र मोतेवार, गंगाधर जोशी, रवींद्र आप्पा द्याडे; चंद्रकांत नारलावार विजयकुमार उनग्रतवार गुरुराज चिद्रावार महाविद्यालयाचे प्राचार्य डॉ.मोहन खताळ उपप्राचार्य डाॅ.अनिल चिद्रावार उपप्राचार्य क.म.डॉ. एम.एम चमकुडे ; उपप्राचार्य डॉ. व्ही.जी शेरीकर अधीक्षक गोविंद जोशी; पर्यवेक्षक संग्राम पाटील आदींनी या यशाबद्दल अभिनंदन केले आहे.